From Wikipedia, the free encyclopedia
Gunung Ceremé atawa Caremé atawa Ciremai mangrupa gunung nu asup kana golongan stratovulkano nu simetris nu aya di Jawa Kulon, Indonésia. Kawah Geger Halang nu legana 4.5 – 5 km aya di punclutna. Ngabeledugna gunung ieu relatif teu tangtu sapanjang sajarahna, tapi aktifitas bitu jeung kaluarna lahar tina punclutna mah geus karekam.[1] Ieu gunung kawengku ku tilu kabupatén: Kuningan, Cirebon, jeung Majalengka.[2]
| Gunung Ceremé | |
|---|---|
 Gunung Ceremé dipoto ti Cigugur, Kuningan. | |
| Luhur | 3,078 méter (10,098 ft)[1] |
| Perenah | Jawa Kulon, Indonésia |
| Koordinat | |
| Tipe | Stratovulkano |
| Panungtungan bitu | 1951 |
Gunung Ceremé asup kana golongan gunung seuneu soliter, dipisahkeun ku Zona Sesar Cilacap-Kuningan ti rengrengan gunung seuneu Jawa Kulon bagian wétan (nyaéta: G. Galunggung. Guntur, Patuha, Papandayan sarta Tangkubanparahu) anu perenahna dina Zona Bandung. Pulo Jawa nyaéta bagian ti Paparan-Sunda anu kaasup kana lampegan Asia-Eropa. Kerak samudra anu ngadadasaran Samudra Hindia (bagian ti Indian-australiaan Place) dina kaayaan usik nyodok kana hiji Benioff Zone di sapanjang tepi kidul lampegan Asian-eropa. Pangudaran magma anu umumna boga komposisi tengahan sarta tali tumali jeung sodokan, ngakibatkeun timbulna gondewa volkano-plutonik Jawa Tersier-resen.
G. Cereme (3076 m dpl) ngajungkiring di antara dayeuh Cirebon, Kuningan sarta Majalengka, nyieun congcot di sisi palebah kalér sésa Kaldera Gegerhalang (anu ukuranana 4,5 x 5 km). G. Cereme miboga kawah rangkep (kulon jeung wétan). Kawah kulon jumarina 400 m kapotong kawah wétan anu jumarina 600 m sarta jerona 250 m. Luhurna 2900 m di lamping kidul aya urut titik bituna (l.k. 30 m2 ) nyaéta Guha Walét. Pola walungan umumna ngalingkung buleud, di sawatara lokasi aya nu papalingpang alatan pangaruh sesar, béda litologi sarta umur. Jauh ti kawah, karapetan walungan beuki ningkat.
Ringkesan ciciren géomorfologi wewengkon ieu téh kieu:(1) tegalan aluvial, (2) congcot cinder kalawan aliran lava, (3) congcot jeung aliran lava, (4) kawah aktip kalawan sollfatara/fumarola, (5) fluviovolkanik lapang lahar, (6) congcot gunungapi strato, (7) lava dina lamping gunungapi, sarta (8) aliran piroklastik sarta guguran volkanik dina lamping, (kabéhanana hasil prosés gunungapi Holosen), (9) kipas aliran piro
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
