Bodas
From Wikipedia, the free encyclopedia
Bodas atawa putih nyaéta pawujudan ayana sakabéh warna dasar dina kaayaan maksimum kalawan proporsi sarua kuatna. Sabenerna bodas, bareng jeung hideung sarta kulawu, henteu bisa disebutkeun minangka warna.
| Koordinat Warna | ||
|---|---|---|
| Triplét Hex | #FFFFFF | |
| RGB | (r, g, b) | (255, 255, 255) |
| CMYK | (c, m, y, k) N | (0, 0, 0, 0) |
| HSV | (h, s, v) | (0°, 0%, 100%) |
| N: Normalisasi ka [ 0–255 ] (robah jadi [0–100]) | ||
Bodas geus ditarima sacara umum minangka standar warna keretas dina pakakas tulis. Alatan éta bodas dipaké ku juru citak pikeun nangtukeun widang anu henteu kakeunaan mangsi.
Dina nyieun karya seni rupa, seniman biasana nyampur bodas jeung warna séjén pikeun ngahasilkeun warna-warna anu disebut warna pastél. Sajaba ti éta dina pamakéan pastél atawa akrilik, bodas anu ditimpahkeun sacara kuat dina luhureun warna anu geus garing baris ngahasilkeun éfék ngagencalngna cahaya.
Pamakéan cét bodas dina interior ngahasilkeun gambaran nu lega. Alatan sipatna anu caang, mangka cét bodas sakapeung disingkahan alatan gampang kakotoran ku warna séjén.
Sacara psikologis, pangaruh bodas bisa rupa-rupa. Hal ieu dipangaruhan utamana ku kabudayaan satempat. Contona di Éropah bodas dianggap minangka hiji hal anu nenangkeun, tiis, sarta langgeng alatan pakait jeung warna salju. Samentara di Indonésia, bodas bisa mecenghulkeun gambaran pikasieuneun alatan pakait jeung lawon kafan.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
