From Wikipedia, the free encyclopedia
Asam laktat (asam α-hidroksipropanoat) mangrupa sanyawa kimia nu boga peran penting dina sababaraha prosés biokimiawi.[rujukan?] Laktat nujul ka ékivalén ionikna. [rujukan?]
 |
Artikel ieu teu boga rujukan sumber nu bisa dipercaya jadi eusina teu bisa divérifikasi. Pitulung ngabenerkeun artikel ieu kalawan nambihkeun rujukan nu bener. Artikel nu teu bisa divérifikasi bisa dihupus ku Kuncén. |
| Asam laktat | |
|---|---|
 | |
| Ngaran kimia | 2-hydroxypropanoic acid |
| Rumus kimia | C3H6O3 |
| Massa molékulér | 90.08 g/mol |
| Nomer CAS | [50-21-5] L: [79-33-4] D: [10326-41-7] D/L: [598-82-3] |
| Titik leyur | L: 53 °C D: 53 °C D/L: 16.8 °C |
| Titik golak | 122 °C @ 12 mmHg |
| SMILES | CC(O)C(=O)O |
| Bantahan jeung référénsi | |
Asam laktat mangrupa asam karboksilat nu rumus kimiana C3H6O3. Strukturna digambarkeun dina ngaran sistimatisna, asam 2-hidroksipropanoat. Dina leyuran, asam ieu bisa leungiteun proton tina gugus karboksi COOH, antukna jadi ion laktat CH3CHOHCOO-.[rujukan?]
Asam laktat (jeung laktat) boga dua isomér optik sabab atom karbon puseurna ngabeungkeut opat gugus nu béda. [rujukan?] Isomér nu kahiji disebut L(+)-asam laktat atawa (S)-asam laktat, sedengkeun nu kadua nyaéta D(-)-asam laktat atawa (R)-asam laktat.[rujukan?]
Nomer CAS asam laktat téh 50-21-5, sedengkeun pikeun ngabédakeun isomér optikna, urang bisa maké CAS 79-33-4 pikeun L-asam laktat jeung CAS 10326-41-7 pikeun D-asam laktat, sarta CAS 598-82-3 pikeun campuran nu dua éta (nu teu aktif optik).[rujukan?]
Asam laktat nu ngagunduk dina otot rangka nalika olahraga anaérobik ngabalukarkeun nyeri otot, sarta dikaluarkeun nalika geus balik deui kana métabolisme aérobik.[rujukan?]
Dina glikolisis anérobik atawa férméntasi, L-laktat dihasilkeun tina piruvat maké énzim dehidrogenase laktat. [rujukan?]Konversi ieu ogé ngaoksidasi hiji molekul NADH jadi NAD+. Férmentasi asam laktat ieu lumangsung na sél getih beureum sabab teu boga mitokondria, sarta dina otot rangka nalika kakurangan asupan oksigén (nalika keur olahraga).[rujukan?] Laktat ieu dileupaskeun kana aliran getih, nu kadar umumna kira 1-2 mmol/L. Ati merlukeun 60% laktat nu diréoksidasi jadi piruvat, nu lajeng dirékonvérsi deui jadi glukosa dina prosés nu katelah glukonéogenesis.[rujukan?] Glukosa ieu asup kana aliran getih antukna bisa dipaké ku rupa-rupa jaringan. Daur glukosa → laktat → glukosa ieu, awalna didadarkeun ku Carl jeung Gerty Cori, antukna katelah daur Cori. Kira-kira 40% laktat diserep ku sél nu cukup oksigén pikeun ngoksidasi piruvat, nu lajeng langsung dipaké pikeun nyuluhan daur asam sitrat.[rujukan?]
Férméntasi asam laktat ogé lumangsung dina baktéri asam laktat nu bisa aya dina baham urang; tah asam nu dihasilkeunana téh ngabalukarkeun koropok huntu (caries).[rujukan?]
Dina widang médis, laktat mangrupa salah sahiji komponén utama laktat Ringer atawa leyuran laktat Ringer.[rujukan?] Cairan intravéna ieu ngandung natrium, klorida, kalium, jeung laktat na leyuran cai distilasi nu kadarna isotonik dibanding getih manusa.[rujukan?] Leyuran ieu paling mindeng dipaké pikeun "ngeusian" cairan sanggeus kaleungitan getih alatan trauma, bedah atawa tatu kaduruk.[rujukan?]
Férméntasi asam laktat nu lumangsung na baktéri asam laktat mangrupa sumber rasa haseum na susu bari, sok dipaké dina industri kéju, yogurt, jeung kefir. [rujukan?] Férméntasi asam laktat ogé ngahasilkeun rasa haseum produk férméntasi sayur.[rujukan?]
Asam laktat bisa dipaké salaku aditif pangan pikeun ngatur kaasaman. Di industri pangan dihasilkeunana téh ku jalan manaskeun sarta férméntasi karbohidrat dina susu sésa nyieun kéju, kentang, aci jagong, atawa molase.[rujukan?] Sok dipaké dina pangamis, soft drink (kadang ogé bir), jeung formula orok.[rujukan?]
Asam laktat ogé mangrupa hasil férméntasi malolaktat, hiji prosés nu dipaké nalika nyieun tuak pikeun ngurangan rasa asam malat nu segak jadi asam laktat nu henteu pati.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
