Planét katé
From Wikipedia, the free encyclopedia
Planét katé atawa planét lemét atawa planet kerdil (basa Inggris: dwarf planet) nyaéta sebutan pikeun banda-banda langit anu muiran panonpoé di Surya Mandala anu saluyu jeung ciri-ciri ieu:
- ngorbit ngurilingan panonpoé
- mibanda massa anu cukup pikeun mibogaan gravitasi sorangan sangkan bisa nyanghareupan tekenan banda teger (rigid body) nu matak banda akasa éta mibanda bentuk ékuilibrium hidrostatik (bentuk ampir buleud)
- acan "mersihkeun sabudeureun" (clearing the neighborhood; ngosongkeun orbit sangkan teu ditempatan banda-banda akasa mangukuran cukup badag séjénna salian satelitna sorangan) di daérah sabudeureun orbitna
- lain mangrupa satelit hiji planét atawa banda akasa nonbéntang séjénna
Katégori "planét katé" ieu diciptakeun dina pasamoan Pahijian Astronomi Internasional tanggal 24 Agustus 2006. Dumasar kana definisi ieu, Pluto kudu dirobah statusna tina planét jadi planét katé ku sabab Pluto can ngosongkeun daérah di sabudeureun orbitna (Sabuk Kuiper).