From Wikipedia, the free encyclopedia
Page Modul:Infobox/styles.css has no content.
 Peta kasus ieu dikonfirmasi unggal 100.000 warga dumasar kana préféktur | |
| Panyakit | COVID-19 |
|---|---|
| Galur Virus | SARS-CoV-2 |
| Lokasi | Jepang |
| Kasus munggaran | Préféktur Kanagawa |
| Tanggal mimiti aya | 16 Januari 2020 |
| Asal | Wuhan, Hubei, Républik Rahayat Tiongkok |
| Kasus kakonfirmasi | 17,740[1]（3 Nopémber 2024） |
| Kasus pulih | 16,008[1]（3 Nopémber 2024） |
Tilar dunya | 935[1]（3 Nopémber 2024） |
Pandémi koronavirus 2019 di Jepang mimmiti dikonfirmasi kaayaanana di tanggal 16 Januari 2020. Jepang mangrupa nagara kadua anu ngonfirmasi ayana panyakit COVID-19 di luar Tiongkok saenggeus Thailand.[2] Nepi ka tanggal 17 Maret 2020, geus aya 829 kasus sarta 29 urang anu tilar dunya.[3]
Mimitina, kasus koronavirus di Jepang kapanggih ku positipna hiji warga nagara warga Tiongkok di Préféktur Kanagawa di tanggal 16 Januari 2020.[2]
Tuluy di tanggal 13 Pébruari 2020, aya wanoja 80 taun anu tilar dunya ku sabab ieu virus anu dikonfirmasi di Préféktur Kanagawa.[4] Manéhna geus dirawat ti tanggal 1 Pébruari. Salian ti positip koronavirus, manéhna ogé ngidap panyakit séjén anu geus parah.[4] Ieu mangrupa kasus kematian munggaran ku sabab koronavirus di Jepang.[5][6]
Salian ti éta, Jepang mangrupa nagara munggaran anu manggihan kasus pasén anu beunang deui koronavirus saenggeus cageur. Di tanggal 27 Pébruari, wanoja di Osaka ngonfirmasi yén manéhna positip deui saenggeus dirawat tuluy cageur.[7]
Saenggeus virus ieu mimiti kakonfirmasi di Osaka di tanggal 16 Januari 2020, virus ieu sumebar di sakabéh wewengkon di Jepang. Anu paling parah nyaéta di Préféktur Hokkaido, préféktur di beulah kalér Jepang. Nepi ka pamaréntah daérah préféktur éta netepkeun kaayaan darurat ti tanggal 28 Pébruari 2020.[8][9][10] Per tanggal éta, tina 214 kasus anu aya di Jepang, 54 kasus asalna ti Préféktur Hokkaido.[11] Pamaréntah daérah préféktur éta ménta supaya warga tetep cicing di imahna séwang-séwangan.[10]
Ieu di handap nyaéta tabél sumebarna kasus koronavirus di Jepang per tanggal 16 Maret 2020.[3]
| Préféktur | Inféksi |
|---|---|
| Hokkaido | 152 |
| Akita | 1 |
| Miyagi | 1 |
| Fukushima | 2 |
| Gunma | 6 |
| Tochigi | 2 |
| Ibaraki | 1 |
| Saitama | 32 |
| Chiba | 32 |
| Tokyo | 102 |
| Kanagawa | 58 |
| Niigata | 19 |
| Yamanashi | 2 |
| Shizuoka | 3 |
| Nagano | 4 |
| Ishikawa | 6 |
| Aichi | 122 |
| Gifu | 2 |
| Mie | 8 |
| Shiga | 3 |
| Kyoto | 15 |
| Osaka | 108 |
| Nara | 4 |
| Wakayama | 15 |
| Hyogo | 82 |
| Tokushima | 1 |
| Kagawa | 1 |
| Kochi | 12 |
| Ehime | 2 |
| HIroshima | 1 |
| Yamaguchi | 1 |
| Fukuoka | 3 |
| Kisah | 1 |
| Oita | 1 |
| Nagasaki | 1 |
| Kumamoto | 5 |
| Miyazaki | 1 |
| Okinawa | 3 |
Loba pisan dampak anu dihasilkeun tina sumebarna ieu virus di Jepang. Di antarana nyaéta diperékeunna sakola, ti mimiti SD nepi ka SMA, kaitung ti tanggal 2 Maret nepi ka 6 April 2020 sacara nasional.[12] Saacanna, tarékah ieu geus dilaksanakeun ku pamaréntah daérah Tokyo, Osaka, sarta Hokkaido ti tanggal 27 Pébruari 2020.[13]
Kauntungan tina séktor pariwisata nurun ku sabab ayana ieu wabah. Tempat-tempat hiburan saperti Tokyo Disneyland, Tokyo DisneySea, Universal Studios Japan, ditutup saheulaanan.[14][15] Malahan mah féstival kembang sakura anu tadina rék dilaksanakeun usum semi taun ayeuna teu jadi dilaksanakeun.[16]
Ti saprak sumebarna ieu virus di Jepang, loba anu ngahariwangkeun lumangsungna gelaran Olimpiade 2020 di Tokyo. Komo deuih wabah koronavirus 2019 ieu geus ditetepkeun jadi pandémi global ku WHO. Ningali tina gelaran acara-acara lianna di sakuliah dunya, saperti kajuaraan-kajuaraan BWF (saperti Swis Open, India Open, Singapore Open, jeung Malaysia Open),[17] MotoGP,[18] sarta Formula 1 anu bedo dilaksanakeun luyu jeung jadwalna.[19] Sanajan kitu, Perdana Menteri Jepang, Shinzo Abe, optimis tur keukeuh yén Olimpiade Tokyo bisa dilaksanakeun luyu jeung jadwal, nyaéta ti 24 Juli nepi ka 9 Agustus.[20] Manéhna geus nyiapkeun sagala rupa sangkan Olimpiade bisa dilaksanakeun tepat waktu.[21]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
