From Wikipedia, the free encyclopedia
Lauk Emas (Cyprinus carpio, basa Inggrisna common carp, lain goldfish) mangrupa lauk darat nu paling sumebar di sakuliah dunya, anggota famili Cyprinidae. Lauk nu asalna ti Asia jeung Éropa ieu bisa tumuwuh nepi ka panjangna 1,2 méter, beurat 37,3 kg), sarta umur 47 taun. Nu liar biasana mah leuwih leutik, paling 20% - 33% ti ukuran maksimum. Koi (鯉魚 dina basa Cina, 錦鯉 dina basa Jepang) mangrupa varietas nu asalna ti Cina, tapi jadi kawentar di Dunya Kulon ngaliwatan Jepang.[1]
| Lauk Emas | |
|---|---|
 | |
| Status konservasi | |
Status konservasi: Aman | |
| Klasifikasi ilmiah | |
| Karajaan: | |
| Filum: | |
| Kelas: | Actinopterygii |
| Ordo: | Cypriniformes |
| Kulawarga: | Cyprinidae |
| Génus: | Cyprinus |
| Spésiés: | C. carpio |
| Ngaran binomial | |
| Cyprinus carpio | |
Najan toléran kana rupa-rupa kaayaan, lauk emas leuwih resep cicing dina cai nu lega tur tenang, kalawan dasar nu lemes tur ngandung tutuwuhan cai. Di tempat asalna nu iklimna sedeng, lauk ieu resep dina cai nu pH-na 7-7,5, kasadahan 10-15 dGH, sarta hawa 3-24°C. Lauk ieu karesepna ngagorombol, paling henteu limaan.
Lauk emas mangrupa omnivora nu ngahakan naon baé nu ngaliwat ka hareupeunana, kayaning tutuwuhan cai, serangga, lauk paéh, jeung sajabana. Malah di pilemburan di Indonésia, balong/kulah lauk emas téh mangrupa kokocoran limbah rumah tangga.
Sakali endogan, lauk emas bisa ngaluarkeun 300.000 endog.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
