From Wikipedia, the free encyclopedia
Séoraksan nyaéta gunung pangluhurna dina barisan pagunungan Taébaék (태백산맥) di Propinsi Gangwon béh wétan Koréa Kidul. Perenahna di taman nasional deukeuteun kota Sokcho. Sanggeus gunung api Hallasan di Pulo Jéju jeung Jirisan di béh kidul, Séoraksan mangrupa gunung katilu pangluhurna di Koréa Kidul. Punclut Daéchongbong (대청봉) Séoraksan luhurna 1,708 méter (5,603 suku). Cingcin pagunungan Taébaék mindeng dianggap mangrupa tulang tonggong bojong Koréa.
Seoraksan | |
---|---|
![]() | |
Titik pangluhurna | |
Luhurna | 1,708 m (5,604 ft) |
Géografi | |
Lua error in Modul:Location_map at line 510: Unable to find the specified location map definition: "Module:Location map/data/South Korea" does not exist.
| |
Lokasi | Koréa Kidul |
Pagunungan induk | Pagunungan Taébaék |
Pamanjatan | |
Rute panggampangna | Hiking, scrambling |
Ieu taman nasional sapanjang taun hasil ngirut turis-turis nasional katot mancanagar, tapi usum nu pangutamana keur ka taman nasional Séoraksan mah nyaéta nalika usum gugur. Kelir-kelir usum gugur di ieu wewengkon dianggap pangéndahna di Koréa. Leuweung nu kelirna beureum jeung konéng ditéma ku batu katut walungan laleutik nu ngocor di tengahna. Salila usum hujan dina usum panas-biasana sanggeus angin puyuh-walungan-walungan leutik ieu bisa caah.
Katingalina mah, bagéan tina ieu gunung nu panglobana didatangan téh nyaéta léngkob di panto asup ka Taman Nasional, nu jauhna kurang leuwih lima welas menit maké kandaraan ti kota Sokcho. Ieu léngkob manjang ti kulon ka wétan kalayan jalan rata nu mawa urang ka lawang asup ieu taman. Ieu léngkob boga sababaraha patempatan nu éndah sarta boga ajén keur pelesis sapopoé jeput.
Curug Yukdam jeung curug Biryeong (비룡폭포) perenahna béh kéncaeun léngkob, kurang leuwih opat puluh menit lamun leumpang ti tempat parkir utama. Ulsanbawi (울산바위) nyaéta hiji wangun batu di taman nasional Séoraksan. Wangun Ulsanbawi éta unik di ieu wewengkon mah. Pikeun tepi ka éta batu urang perlu nyusud jalur hiking tuluy naékan leuwih ti 800 hambalan (sabenerna mah 888 hambalan ceuk urang dinya mah). Dina jajalaneun ka dinya, aya dua candi (kuil) katut batu buleud (Heundeulbawi, 흔들바위) nu perenahna di luhureun hiji batu nu leuwih gedé. Ieu batu kurang leuwih 5 méter (16 suku) luhurna tur bisa dipindahkeun. Rébuan jalma geus nyoba nyurung Heundeulbawi, tapi taya hiji ogé nu bisa ngagulingkeunnana kajaba ukur ngoyag-ngoyag mah.
Dumasar kana legenda Ulsanbawi datang ti kota Ulsan di béh kidul wétan Koréa. Nalika Kumgangsan (금강산) diwangun, Ulsanbawi leumpang ka kalér minangka wawakil kota. Ngan hanjakal Ulsanbawi datangna telat antukna teu kabagian rohangan. Ulsanbawi éta sarta lalaunan balik deui ka kidul. Dina hiji peuting éta batu kasaréan di wewengkon Séorak. Ulsanbawi ngarasa éta patempatan téh kacida éndahna antukna mutuskeun cicing di dinya.
Dina tungtung léngkob aya Biseondaé, hiji wangun batu di walungan leutik. Di saluhureun walungan aya guha nu hésé dihontal, tapi lamun bisa ka dinya, wangun batu di sabudeureunanan baris katingali sacara jelas.
Rada leuwih jauh ti lawang asup aya Léngkob Sarébu Buda (천불동계곡), mangrupa léngkob utama Gunung Séorak, nu sakapeung ogé disebut Léngkob Séorak. Ieu léngkob dingaranan kitu ku sabab wangun batu nu ngajajar di sisina siga jajaran patung Buda.
![]() ![]() Bukhansan ![]() ![]() Byeonsan-bando ![]() Chiaksan ![]() ![]() Dadohaehaesang ![]() ![]() Deogyusan ![]() ![]() Gayasan ![]() Gyeongju ![]() ![]() Gyeryongsan ![]() Hallasan ![]() ![]() Hallyeohaesang ![]() ![]() Jirisan ![]() Juwangsan ![]() Naejangsan ![]() Odaesan ![]() Seoraksan ![]() Sobaeksan ![]() ![]() Songnisan ![]() ![]() Taeanhaean ![]() ![]() Wolchulsan ![]() ![]() Mudeungsan ![]() Woraksan 21 taman nasional di Koréa Kidul.
Taman di daratan kelirna beureum, sedengkeun taman di laut kelirna bulao. |
![]() |
Wikimedia Commons mibanda média séjénna nu patali jeung Seoraksan . |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.