Standar ATSC
From Wikipedia, the free encyclopedia
Standar ATSC ngadokumentasi hiji format televisi digital nu bakal ngaganti sistim televisi NTSC analog (di Amerika Sarikat)[1] ti mimiti 17 Pebruari, 2009.[2] Standar ieu dijieun ku Advanced Television Systems Committee.
Standar televisi definisi luhur nu ditetepkeun ku ATSC ngahasilkeun gambar layar lega 16:9 tepi ka ukuran 1920×1080 piksel — leuwih ti genep kalieun resolusi pidangan standar saméméhna. Ukuran gambar lianna ogé dirojong, antukna panglobana genep standard-definition "virtual channel" bisa disiarkeun dina hiji saluran TV tunggal 6 MHz.
ATSC ogé ngarojong audio "kualitas theater" sabab maké format AC-3 Dolby Digital keur nyadiakeun surround sound 5.1 kanal. Sababaraha jasa datacasting tambahan bisa disadiakeun oge.
Nu nyiarkeun maké ATSC, lamun hayang kénéh mertahankeun sinyal analog, kudu nyiarkeun dina dua saluran nu misah, sabab sistim ATSC kudu maké saluran sagemblengna. Sababaraha saluran bisa dipetakeun deui maké saluran virtual tina saluran RF fisik jadi nomer-nomer ti 1 nepi ka 99, antukna stasion ATSC bisa diasosiasikeun jeung nomer saluran NTSC nu patali, atawa bisa ogé sakabéh stasion dina hiji jaringan maké nomer nu sarua. Aya ogé hiji standar keur transmisi nu sumebar (DTx) nu ngidinan booster station.
Standar ATSC dicirian ku A/x (x nyaéta nomer standarna) tur bisa dicokot kalayan bébas tina ramatloka ATSC (tempo tumbu luar di handap).
Loba aspek ATSC nu dipatenkeun, kaasup unsur koding vidéo MPEG, koding audio AC-3, sarta modulasi 8VSB.[3] Kawas sistim lianna, ATSC gumantung kana sababaraha standar nu patula-patali, contona standar EIA-708 keur closed captioning digital, geus bareda dina implementasina.