Johann Gottfried Hoche

Johann Gottfried Hoche (25. Sep. 1762–02. Mai. 1836) waas n Historiker, Theologe un Skriftstaaler uut Halberstadt. Leeter wuud hie Preetjer in Rödinghausen bie Minden.

Two Sieden fon ju Woudelieste uut dät Bouk fon Hoche: Ärm (Ierm) bit Fett (Fät)

Hoche un Seelterlound

Hoche waas n Beskrieuwer fon Seelterlound un ju Seelter Sproake. Hie hied oafte froamde Seeken deerfon heerd un moate deer al loange jädden moal wai, bit hie dan 1798 mäd n Früünd ju Raise moaket. Dät geen oafte tou Fout, man fon Dwergte koomen jo ap n Woain mäd Fälle ätter Ällerbrouk, wier jo baale mäd do Seelter Bootjere. Dät Ferstounden geen stuur, bit jo ap Plat ounfange. Uurigens fangt Hoche dan al mäd ne Woudelieste oun (S. 94). Uur Mäiden raisje jo dan fääre uur Marka un Seelter Äi mäd een fon do Seelter Boote, do hie uk beskrift. In Skäddel wäide jo dan gastfräi apnuumen fon dän oolde Hinrich Wilmsen, die deer n wichtigen Mon waas un uk leese un skrieuwe kuud un him dät Seelterske foarboukstabierde (S. 151). Uk wäd boald uur ju politiske Loage (Napoleon, dät Ferhältnis mäd Munster.
Ätters gunge jo uur Hollen (wier hie flugge Wuchtere mäd Ooriersen saach; S. 209) ätter Uutände, wier hie sien Ploan annert un fääre ätter Lier un Oamde gungt (S. 247).

Ju Woudelieste

Ju Woudelieste gungt uur alwen Sieden (S. 235-245) mäd deertou noch dät Uus Foar ap Siede 246. Minssen 1849:169 meent dät do Sproakeproben gans falsk un uunbruukboar sunt. Deerbie is Hoche uk man n poor Deege in Seelterlound weesen. Fort 1980:21 meent oawers, dät maaste Woude noch wiertoukannen sunt un dät ju Lieste n historisken Wáid häd. Fääre bespräkt Fort eenige apaate Seeken in ju Lieste.

Wäkke Wierke

• J. G. Hoche (Hrsg.): J. P. Gundlings Nachricht von den Commerzien und Manufacturen in der Churmarck Brandenburg, den Herzogthümern Magdeburg, dem Fürstenthum Halberstadt in dem Jahre 1712; nebst einigen Vorschlägen, wie durch die Verbesserung derselben das ganze Land in Aufnahme gebracht werden könnte. Halle 1795
• [Hoche, J. G.]: Des Amtmanns Tochter von Lüde. Eine Wertheriade für Aeltern, Jünglinge und Mädchen. Bremen: Wilmans 1797
• Ruhestunden für Frohsinn und häusliches Glück. Bd. 1. Hrsg. v. J. K. C. Nachtigal und J. G. Hoche. Bremen: Wilmans 1798
• Hoche, J. G.: Reise durch Osnabrück und Niedermünster in das Saterland, Ostfriesland und Gröningen. Von J. G. Hoche, Doktor der Philosophie, Prediger in Rödinghausen in der Grafschaft Ravensberg, und Mitglied der Königl. litterarischen Gesellschaft in Halberstadt, Bremen, bei Friedrich Wilmans, 1800, 526 S. (Google Books: 1, 2; SLUB: 1 = 2) — Nachdruck Schuster, Leer, 1977, 1978, ISBN-10: 3796301371.

Literatuur

• J. F. Minssen, Vergleichende Darstelllung der Laut- und Flexionsverhältnisse der noch lebenden neufriesischen Mundarten und ihres Verhältnisses zum Altfriesischen. Friesisches Archiv 1, 165-276 (1849).
• J. H. Brouwer, It alderhillichst gebet yn Fryske lûden, Assen 1964. Seelter Texte S. 49- 54, Kommentoar S.108-113.
• M. C. Fort unter Mitarbeit von H. Dumstorf, Saterfriesisches Wörterbuch mit einer grammatischen Übersicht, Hamburg 1980. S. 16-21.

Ferbiendengen

• Thüringer Universitäts- un Loundesbibliothek Jena (ThULB)
• Informatione tou Hoches Gebuurtstäärp Gratzungen

Normdoaten: GND: 115661220 | KB (Niederlounde): 068867255 | LCNAF: no2002032022 | VIAF: 77050517