Die 16. Februoar is die 47. Dai fon dän Gregorioansken Kalänner, somäd blieuwe deer noch 318 (in Skaltjiere 319) Deege bit tou dät Eende fon't Jier tou.
- 1279: Ätter dän Dood fon sin Baabe Alfons III. besticht Dionysius as säksten Köönich uut dät Huus Burgund dän portugiesisken Troon.
- 1486: Die Habsburger Maximilian I. wäd in Frankfurt an'n Main as Rex Romanorum wääld.
- 1525: 25 Täärpe, do tou Memmingen heere, aaskje fon ju Rieksstääd un fon dän Swääbisken Buund Ferbeeterengen fon hiere wirtskuppelke, sosjoale un religiöse Uumstounde. Hiere Aaskengen brange do Buuren kuute Tied ätters in do Tweelich Artikele foar. Jo wäide pränted un wilst dän Düütsken Buurenkriech fier ferspradt, un jo heere tou do ooldste Ferkloorengen fon Moansken- un Fräiegaidsgjuchte in ju Waareld.
- 1630: Holloundske Troppen nieme in Brasilien do Portugiesen ju Stääd Olinda ou un ärooberje in ju Foulge Pernambuco.
- 1704: Juunstriedere fon dän poolsken Woalköönich August II. fiende in sik ju Konföderatsjoon fon Warschau touhoope. Jo sätte dän Häärsker ou un roupe in Polen-Litauen een Interregnum uut, dät in aan Burgerkriech mundet.
- 1707: Dät skottiske Parlemänt billiget mäd 110 tou 69 Stämmen dän Act of Union, ju Fereenigenge mäd Änglound. Een Riege fon Ouoardende häd sik toufoarne besteete lät of hoopet mäd do "Jee"-Stämmen Äntskoadigengen foar dät fail geene Darién-Projekt.
- 1804: In dän Amerikoansk-Tripolitoansken Kriech slumpet dät een lit US-Kontingent unner Stephen Decatur junior, in dän Hoawen fon Tripolis ientoutringen un ap ju fon Seeroowere ärooberde Fregatte USS Philadelphia Fjuur tou lääsen.
- 1817: Ätter ju Iennoame fon Santiago de Chile in dän Chileensken Uunouhongegaids-Kriech wäd Bernardo O’Higgins Director Supremo de Chile, aan Präsidänt mäd Diktoatooriske Begjuchtengen.
- 1862: Mäd ju bedingengsloose Kapitulatsjoon fon do Konföderierde unner Simon Bolivar Buckner eendet ju fieuw Deege loange Slacht uum Fort Donelson in dän Amerikoansken Burgerkriech. Ju Iennoame fon ju Fäästenge moaket dät muugelk, dät ju Union unner Ulysses S. Grant fääre foarsteete kon.
- 1871: In dän Düütsk-Frantsöösken Kriech gunge do lääste militäriske Operatsjoonen tou Eende. Ätter 108 Deege Beleegerenge wäd ju aastfrantsööske Stääd Belfort do düütske Troppen uurroat.
- 1881: Die frantsööske Offisier un Afrikoa-Foarsker Paul Flatters un sien Monskup wäide bie een Expeditsjoon tou ju Ärkundenge fon aan Ferloop foar ju Transsahara-Boan fon Tuareg in een Falle lokket un uumebroacht.
- 1918: Litauen ferkloort sik fon't Düütske Kaiserriek un uk fon Sowjet-Ruslound uunouhongich.
- 1919: Bie ju Konstituierjende Nasjonoal-Fersammelenge in Aastriek duuren foar't eerste Moal Wieuwljuude wäälje. Ju Sosjoaldemokroatiske Oarbaiderpaatäi wäd mäd 40,8 % ju stäärkste Paatäi foar do Kristelk-Sosjoale Paatäie.
- 1959: Fidel Castro wäd in Kuba as Regierengs-Boas fereediged un behoaldt düt Boantje 49 Jiere, bit hie dät in 2008 uut suundegaidelke Gruunde oun sin Bruur Raúl ourakt.
- 2005: Dät in 1997 besleetene Kyoto-Protokoll, wieroun sik do Unnerteekner-Stoaten tou ju Ferminnerenge fon dät Uutsteeten fon Gräinhuus-Gase ferplichtje, wäd gultich.
- 2011: In't Arabiske Foarjier fersammelje sik in Bahrain tjoonduusende fon Ljuude ap dän Päärlenploats in Manama uum freedelk unner ju Parole Dät Foulk aasket ju Ousättenge fon't Regime juun ju Regierenge tou demonstrierjen. Die Ploats wäd al in ju Noacht rüümd, deer wäide Skjootwoapen bie iensät.
- 702: K’inich Kan Bahlam II., Häärsker fon ju Maya-Stääd Palenque
- 1881: Paul Flatters, frantsöösken Offisier un Afrikoa-Foarsker
- 1943: Mildred Harnack-Fish, amerikoansk-düütske Literatuur-Wietenskupperske, Uursätterske un Wierstounds-Striederske juun do Nazis
- 1990: Keith Haring, US-amerikoansken Kunstler
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
