Sälle (Biologie)

Ne Sälle is ju litste (elementare) Eenhaid fon do Lieuweweesen. Dät rakt toun Biespil uk Lieuweweesen, do bloot uut een Sälle bestounde.

N täämelk bekoand Biespil: Siepelsällen, hier is die Sälkääden rood faawed.

Apbau

Foarmenunnerskeedenge

Algemeen unnerskat me two Foarmen fon Sällen: Do Prozyten (uk Protozyten naamd) un do Euzyten. Do Euzyten sunt Sällen mäd Sälkääden, do Prozyten sunt Sällen sunner Sälkääden. Lieuweweesen do uut Euzyten bestounde heete Eukaryoten (dät is uk n Taxon) - Lieuweweesen do uut Prozyten bestounde heete Prokaryoten, jo sunt neen eenegaidelk Taxon.

Düsse Unnerskeedenge kon me modellhaft mäd ju Unnerskeedenge fon Inloundere un Uutloundere ferglieke: Do Inloundere hääbe toumindest ne gemeensoame Politik (un mongs wäil uk uur Gemeensoamgaiden), sunt also relativ homogen, do Uutloundere hääbe deerjuun bloot ju Oainskup dät jo nit uut dät Lound fon dän Betrachter sunt, jo hääbe neen Gemeensoamgaiden, sunt also heterogen as do Prokaryoten.

Organellen

Do Sällen hääbe Organellen, do bestimde Apgoawen häbe:

Euzyte (As Biespil ne Diertesälle, Plontensällen sjo n bitje uurs uut)	Prozyte (As Biespil ne Bakteriensälle)
1. Nukleolus 2. Sälkääden (Nukleus) 3. Ribosomen 4. Vesikel 5. Dät Ruuge Endoplasmatiske Retikulum 6. Golgi-Reewe 7. Aan Mikrotubulus 8. Dät Glääde Endoplasmatiske Retikulum 9. Do Mitochondrien 10. N Lysosom 11. Dät Zytoplasma 12. Aan fon do Microbodies 13. Do Zentriolen	1. Exopolysacharide (Sliemkapsel) 2. Ju buutere Membran 3. Periplasmatisken Ruum mäd Sällmuure 4. Binnere Membran 5. Zytoplasma 6. Ribosom 7. Fodder 8. Chromosom 9. Mesosom