From Wikipedia, the free encyclopedia
U2 (shqiptuar "ju-tu") është një grup roku irlandez i themeluar në vitin 1976, i cili përbëhet nga Bono (vokal dhe kitarë), The Edge (kitarë, tastierë dhe vokal), Adam Clayton (kitarë bas) dhe Larry Mullen Jr., (bateri).
Grupi u formua në vitin 1976 kur anëtarët ishin adoleshentë dhe kishin aftësi teknike të kufizuara. Sidoqoftë, nga fillimi i viteve '80, ata u bënë një nga grupet më të famshëm të botës, të njohur për zërin e tyre himnor, vokalin e pasionur të Bonos dhe lojën melodike të kitarës nga The Edge. Suksesi i tyre në koncerte live ishte më i madh se suksesi i shitjeve të albumeve deri në vitin 1987, kur doli në shitje The Joshua Tree. Revista Rolling Stone deklaron se ky album i shndërroi ata "nga heronj në superyje". U2 iu përgjigjën revolucioneve të muzikës dance dhe rokut alternativ, si dhe stanjacionit të tyre duke rikrijuar në një farë mënyre vetveten me albumin e vitit 1991 Achtung Baby si dhe me turneun Zoo TV. Eksperimentime të ngjashme vazhduan gjatë tërë viteve '90. Që nga viti 2000, U2 kanë ndjekur një drejtim muzikor më tradicional, që ngjet me punët e tyre më të hershme.
U2 kanë shitur më shumë se 140 milionë albume në tërë botën, dhe kanë fituar 22 Grammy Awards, më shumë se çdo grup tjetër. Në vitin 2005, grupi u bë pjesë e Holli i Famës në Rok adn Roll, po atë vit kur dhe u propozuan për të. Revista Rolling Stone e radhiti U2-në në vendin e 22-të në listën e saj të 100 artistëve më të mirë të të gjitha kohërave. Gjatë karrierës së tyre, anëtarët e grupit kanë zhvilluar fushata për Të Drejtat e Njeriut dhe drejtësi shoqërore, duke përfshirë pjesëmarrjen në Amnesty International, ONE Campaign, dhe DATA.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
