Plazhi i Madh (në të folmen ulqinake: Plazha Madhe, në gjuhën malazeze: Velika Plaža) është një ranishtë në Ulqin, Mali i Zi.
- “Një copë e parajsës që rastësisht ka rënë në Tokë.”
- — Balša Brković, shkrimtar
- “Një copë e parajsës që rastësisht ka rënë në Tokë.”
Shtrihet në drejtimin veriperëndim‑juglindje nga Porto Milena deri tek delta e Bunës, që e ndan nga Ada e Bunës. Gjatësia e tij është 12 km, që e bën plazhin më të gjatë në bregdetin malazez, ndërsa ka një gjerësi që varion nga 60 deri 100 m.[1]
Tërë plazhi është i mbuluar me rërë gri në të murrmë, rëra është shumë e hollë me fraksione prej 150-250 mikronë dhe është vërtetuar ekzistenca e 24 mineraleve të ndryshme në të. Po këtë përbërje e ka edhe fundi i cekëtinave dhe i hapësirës për larje.[1] Plazhi i Madh është shumë i përshtatshëm së pari për larje në det, për rrezitje dhe për përdorimin e rërës për terapi (psamoterapia) dhe për zhvillimin e aktiviteteve tjera rekreativo-spotrive.
Ka qenë i njohur edhe si "Bostan" sipas bostanit i cili prodhohet në afërsi, ndërsa gjatë lulëzimit të turizmit në Ulqin gjatë Jugosllavisë socialiste është njohur si "Kopakabana Jugosllave" (malaz. Jugoslavenska Kopakabana) nga adhuruesit e tij. Peshkatarët e vjetër ulqinak e njohin si "Zalli i Madh".
Gazeta amerikane The New York Times e ka renditur Plazhin e Madh, në Top 31 vendet që duhen vizituar në vitin 2010.[2]
Shiko dhe
Referimet
Lidhje të jashtme
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.