Lumi Lepenc është lum në Kosovë.Graviton në pellgun e detit Egje dhe është degë e majt e Vardarit.Lepenci buron në shpatet veriore të malit Sharr tek Oshllaku (2.212 m).
Në pjesën e sipërme prej burimi deri tek lokaliteti I Brezovicës ka formuar grykë të ngushtë. Përshkak të pjerrtësisë në këtë pjesë lumi është I shpejt dhe I rrëmbyeshëm ndërsa procesi eroziv intenziv.Nga brezovica zbret në pellgun e parë të Siriniqit , I cili është I gjatë 11 km dhe I gjerë 2 km. Është njëra ndër hapsirat më atraktive për banim. Prej grykës së Brodit hyn në pellgun e Sopotnicës, I cili shtrihet prej fshatit Doganaj deri te Kaçaniku. Këtu lumi arrinë gjerësinë më të madhe. Prej Kaçanikut merr drejtim jugor. Në këtë pjesë formon grykën më të thellë dhe më të bukur në mes malit Sharr dhe Karadakut të Shkupit të quajtur Gryka e Kaçanikut.Nëpër të kalon magjistralja e Adriatikut dhe hekurudha e cila lidhë Kosovën me Maqedoninë. Pjesa më e ngushtë e sajë shtrihet prej Kaçanikut deri te Hani I Elezit me gjatësi prej 12 km. Gjatësia e gjithëmbarshme e grykës është 24 km.
Lepenci pasurohet me rrjedha të shumta që zbresin nga mallet.Degë më e rëndësishme e Lepencit është Nerodimja . Ai buron në në malin e Nerodimes dhe në afërsi të Kaçanikut derdhet në Lepenc. Nerodimja në literaturen gjeografike njihet për bigëzimin ( Bifurkacionin )
Nerodimja është e gjatë 41km ndërsa sip. E pellgut arrinë 228km katrorë.
Lepenci ushqehet kryesisht me shkrirjen e borës e më pak me reshje.Maksimumin e prurjes e arrinë në pranverë pas shkrirjes së borës, ndërsa minimumi ne verë.
Lepenci në teritorin e Kosovës është I gjatë 53 km, sipërfaqja e pellgut 607 km katrorë, kurse prurja mesatare vjetore 7,9 m kub në second.
|| ||
| Vëllimi maksimal | Vmax | 455.36 · 106 m3 |
| Sasia e rrjedhës maksimale | Qmax | 14.4 m3/sec |
| Vëllimi mesatar | Vmes | 263.72 · 106 m3 |
| Sasia e rrjedhës mesatare | Qmes | 8.4 m3/sec |
| Vëllimi minimal | Vmes | 166.09 · 106 m3 |
| Sasia e rrjedhës minimal | Qmes | 5.3 m3/sec |
| * Raporti sektorial i zhvillimit hapësinor për sektorin e ujërave | ||
 |
Ky artikull me tematikë në lidhje me gjeografinë e Kosovës është një faqe cung. Ju mund të ndihmoni Wikipedia-n duke e përmirësuar atë. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
