From Wikipedia, the free encyclopedia
Republika Socialiste Sllovake (sllovakisht: Slovenská socialistická republika, SSR) ishte nga viti 1969 deri në 1990 një republikë brenda Republikës Socialiste Çekosllovake, kur shteti më parë unitar çekosllovak u shndërrua në një federatë. Emri u përdor nga 1 janari 1969 deri në nëntor 1989. Republika Sllovake (sllovakisht: Slovenská republika, SR) ishte nga viti 1990 deri në 1992 një republikë brenda Republikës Federative Çeke dhe Sllovake, që tani është Sllovakia e pavarur.
Republika Socialiste Sllovake (1969–90) Slovenská socialistická republika Republika Sllovake (1990–92) Slovenská republika | |||||||||
---|---|---|---|---|---|---|---|---|---|
Subjekti federal i Republikës Socialiste Çekosllovake (1969–90) dhe Republikës Federative Çeke dhe Sllovake (1990–92) | |||||||||
1969–1992 | |||||||||
![]() Republika Socialiste Sllovake brenda ČSSR | |||||||||
Himni | |||||||||
Nad Tatrou sa blýska | |||||||||
Qendra | Bratisllava | ||||||||
Historia | |||||||||
• Tipi | Republika socialiste (1968–89) Republika palamentare (1989–92) | ||||||||
Legjislatura | Këshilli Kombëtar Sllovak | ||||||||
Historia | |||||||||
• Ligji Kushtetues i Federatës | 1 janar 1969 | ||||||||
17 nëntor – 29 dhjetor 1989 | |||||||||
• Pavarësia | 31 dhjetor 1992 | ||||||||
|
Pas pushtimit të Çekosllovakisë në vitin 1968, reformat e liberalizimit u ndërprenë dhe më pas u kthyen mbrapsht. Përjashtimi i vetëm i rëndësishëm ishte federalizimi i vendit. Ish shteti centralist i Çekosllovakisë u nda në dy: Republika Socialiste Çeke dhe Republika Socialiste Sllovake me Ligjin Kushtetues të Federatës të 28 tetorit 1968, i cili hyri në fuqi më 1 janar 1969. Parlamentet e reja kombëtare (Këshilli Kombëtar Çek dhe Këshilli Kombëtar Sllovak) u krijua dhe parlamenti i vjetër i Çekosllovakisë u riemërua "Asambleja Federale" dhe u nda në dy dhoma: Shtëpia e Popullit (çekisht: Sněmovna lidu, sllovakisht: Snemovňa ľudu) dhe Shtëpia e Kombeve (çekisht: Sněmovna národů, sllovakisht: Snemovňa národov). U vunë në fuqi rregulla shumë të komplikuara votimi.
Federalizimi ishte imagjinar - të gjithë pushtetin real e mbante Partia Komuniste. Rritja e numrit të "parlamenteve" siguronte më shumë pozita për anëtarët e partisë edhe pse roli i tyre ishte thjesht simbolik.
Pas rënies së socializmit në Çekosllovaki, fjala "socialist" u hodh në emrat e dy republikave, d.m.th. Republika Socialiste Sllovake u riemërua Republika Sllovake (ende pjesë e Çekosllovakisë, që nga prilli 1990 e Republikës Federale Çeke dhe Sllovake).
Sistemi i komplikuar i votimit parlamentar (de facto kishte 5 organe të ndryshme secila me të drejtën e vetos) u mbajt pas rënies së socializmit, duke ndërlikuar dhe vonuar vendimet politike gjatë ndryshimeve rrënjësore në ekonomi.
Në nëntor 1992, parlamenti federal votoi për shpërndarjen e vendit zyrtarisht më 31 dhjetor 1992. Që nga 1 janari 1993, Republika Sllovake u bë një shtet i pavarur i quajtur Sllovakia.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.