![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/45/Maracan%25C3%25A3_stadium.jpg/640px-Maracan%25C3%25A3_stadium.jpg&w=640&q=50)
Futbolli në Amerikën e Jugut
From Wikipedia, the free encyclopedia
Futbolli konsiderohet si një nga sportet më të mëdha në Amerikën e Jugut.[1] Ai u prezantua për herë të parë në kontinent gjatë shekullit të nëntëmbëdhjetë, duke qenë pjesë e përhapjes mbarëbotërore të kulturës britanike. Kjo përhapje u iniciua nga diaspora britanike dhe u pranua më vonë nga elita anglofile e rajonit. Futbolli gëzhoi një pranim të gjerë dhe u konsiderua simbol i modernitetit dhe shëndetit të mirë. Me kalimin e kohës, futbolli zëvendësoi sporte të vjetra në modë, siç ishte Bochas. Në mes të shekullit të njëzetë, ky sport kthehet dhe bëhet kryesor në pjesën më të madhe të kontinentit jugor.
![Thumb image](http://upload.wikimedia.org/wikipedia/commons/thumb/4/45/Maracan%C3%A3_stadium.jpg/640px-Maracan%C3%A3_stadium.jpg)
Organizata e sportit në Amerikën e Jugut qeveriset nga federatat (ose shoqatat) vendase dhe konfederatat kontinentale, të cilat janë anëtarë të FIFA (Federata Ndërkombëtare e Futbollit). Shumica e federatave të futbollit në Amerikën e Jugut janë pjesë e CONMEBOL (Konfederata e Futbollit të Amerikës së Jugut). Megjithatë, ka disa përjashtime, si shoqatat me bazë në Guianas, që janë pjesë e CONCACAF (Konfederata e Futbollit të Amerikës së Veriut) dhe Ishujt Falkland/Islas Malvinas. Zhvillimi i futbollit organizohet nga këto federata vendase dhe ndërkombëtare në bashkëpunim me autoritetet shtetërore të sportit. Çdo vend në Amerikën e Jugut ka një infrastrukturë të vetë unike të zhvillimit të futbollit dhe shijon shkallë të ndryshme të suksesit në këtë fushë.