From Wikipedia, the free encyclopedia
Dita Botërore e Kryqit të Kuq dhe Gjysmëhënës së Kuqe është një festë vjetore e parimeve të Lëvizjes Ndërkombëtare të Kryqit të Kuq dhe Gjysmëhënës së Kuqe. Dita Botërore e Gjysmëhënës së Kuqe dhe Kryqit të Kuq festohet me 8 maj të çdo viti. [1] Kjo datë është përvjetori i lindjes së Henry Dunant, i cili është i lindur më 8 maj të vitit 1828. Ai ishte themeluesi i Komitetit Ndërkombëtar të Kryqit të Kuq (ICRC) dhe fitues i Çmimit të parë Nobel për Paqen. [2] [3] [4] [5]
Ideja për një "aksion të përvitshëm që mund të mbahej në të gjithë botën ... që do të ishte një kontribut i madh për paqen" u prezantua menjëherë pas Luftës së Parë Botërore. Kjo iniciativë, e njohur si "Armëpushimi i Kryqit të Kuq", u studiua nga një Komision Ndërkombëtar i krijuar në Konferencën e 14-të Ndërkombëtare të Kryqit të Kuq. Raporti i tij, i paraqitur në Konferencën e 15-të Ndërkombëtare të Kryqit të Kuq në Tokio në vitin 1934, edhe u miratua nga organet përkatëse. Vetëm pas Luftës së Dytë Botërore, në vitin 1946, propozimi i Tokios u rishqyrtua nga Lidhja e Shoqërive të Kryqit të Kuq (LRCS), (riemërtuar në Federatën Ndërkombëtare të Shoqërive të Kryqit të Kuq dhe Gjysmëhënës së Kuqe (IFRC) në vitin 1991). Dy vjet më vonë, duke marrë parasysh parimet e armëpushimit dhe zbatueshmërinë e saj nëpër rajone të ndryshme të botës, propozimi i një Dite Ndërkombëtare të Kryqit të Kuq u miratua [2] dhe Dita e parë e Kryqit të Kuq u festua më 8 maj të vitit 1948. Titulli zyrtar i ditës ndryshoi me kalimin e kohës dhe u bë "Dita Botërore e Kryqit të Kuq dhe Gjysmëhënës së Kuqe" në vitin 1984. [6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.