monument kulturor në Shqipëri From Wikipedia, the free encyclopedia
Bazilika Paleokristiane (Elbasan) ose si njihet ndryshe Bazilika e Bezistanit është një monument i trashëgimisë kulturore në qytetin e Elbasanit[1]. Ky monument është i llojit "Arkitekturë", i miratuar me numër "212 më 19.05.2009", monument kulture i kategorisë së I nga Ministria e Kulturës Rinisë dhe Sporteve.
Bazilika Paleokristiane (Elbasan) | |
---|---|
Lloji | Arkitekture |
Vendndodhja | Elbasan, Elbasan, Shqipëri |
Koordinatat | 41.112222°N 20.081667°E |
Ndërtuar | Shek V |
Organi drejtues | DRKK Durrës |
Emri zyrtar: Monument i trashëgimisë kulturore | |
Lloji | Nën mbrojtje |
Kriteret | I |
Përcaktuar | 19.05.2009 |
Nr. i referencës | EL022 |
Tipologjia | BAZILIKË |
30 m në jug të mureve të kalasë, nën Rrapin e Bezistanit, duken rrënojat e një bazilike paleokristiane. Ajo doli për herë të parë në dritë në vitin 2007 dhe ngjalli interesin e studiuesve dhe vizitorëve të qytetit.
Bazilika u hap falë iniciativës së ish-Drejtorit të Trashëgimisë Kulturore, z. Kreshnik Belegu me mbështetjen e Kryetarit të Bashkisë së atëhershme, z. Qazim Sejdini, në 2007. Gërmimi u bazua falë disa shënimeve që gjedeshin në arkivin e dorëshkrimeve të muzeut etnografik.
Gjithashtu edhe Sulë Dedej në monografinë për Abedin Çaushin shkruante: " ... në vitin 1932 kur u gërmua për themelet e magazinës së Muç Shikut në Bezistan, në qendër të tregut..., u gjet një shtresë mozaikësh e një kishe të moçme dhe nja dy shkallë nën të u gjetën varret dhe skeletet e dy njërëzve."[2]
E njohur edhe si “Bazilika Paleokristiane Extra-muros”, daton në fund të shek. V fillim i shek. VI e.s. Bazilika nuk është zbuluar e gjitha dhe vazhdojnë ekspeditat e gërmimeve në të. Deri tani gjatë gërmimeve janë gjetur 25 m mozaikë, ku në njërin nga panelet ndodhet skena e eukaristisë me dy figura njerëzore. Në faqen jugore të bazilikës është gjetur një afresk mural.[3] Temat e figurave të mozaikut janë toka, ajri dhe uji.
Materiali i pasur skulpturor prej mermeri dhe guri gëlqeror tregon rëndësinë e Skampis-it ( Elbasanit) si importues i këtij materiali dhe ekzistencën e mjeshtrave gurgdhendës në qytet.
Bazilika ndodhet nën Rrapin e Bezistanit në Elbasan dhe përfshihet brenda zonës arkeologjike A.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.