![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1f/Flag_of_the_President_of_India_%25281950%25E2%2580%25931971%2529.svg/langsi-640px-Flag_of_the_President_of_India_%25281950%25E2%2580%25931971%2529.svg.png&w=640&q=50)
ඉන්දියාවෙහි ජනාධිපතිවරයා
From Wikipedia, the free encyclopedia
ඉන්දියාවෙහි ජනාධිපතිවරයා යනු ඉන්දියානු ජනරජයේ රාජ්ය නායකයා වෙයි. ජනාධිපතිවරයා, ඉන්දියාවේ විධායකයෙහි, ව්යවස්ථාදායකයෙහි සහ අධිකරණයෙහි ආකෘතික නායකයා වන අතර ඉන්දියානු සන්නද්ධ හමුදාවන්හී සේනාධිනායකයාද වෙයි.
ඉන්දියානු ජනරජයෙහි ජනාධිපතිවරයා
भारत गणराज्य के राष्ट्रपति | |
---|---|
![]() ජනාධිපතිමය ලාංඡනය | |
ශෛලීය | ගරු ජනාධිපති (ඉන්දියාව තුල) අති උතුම් (ඉන්දියාවෙන් පිටත) |
නිවහන | රාෂ්ට්රපති භවන් |
පත් කරන්නා | මැතිවරණ පර්ෂදය |
ධූර කාල ප්රමාණය | වසර පහක් (යළි පත්විය හැකි) |
සමාරම්භක දරන්නා | රාජේන්ද්ර ප්රසාද් 26 ජනවාරි 1950 |
සංස්ථාපනය | ඉන්දියාවේ ආණ්ඩුක්රම ව්යවස්ථාව 26 ජනවාරි 1950 |
වැටුප | ![]() |
වෙබ් අඩවිය | ප්රසිඩන්ට් ඔෆ් ඉන්ඩියා |
ඉන්දියානු පාර්ලිමේන්තුවේ (ලෝක් සභාව සහ රාජ්ය සභා) මෙන්ම ඉන්දියාවේ ප්රාන්තයන්හී ව්යවස්ථාදායක මන්ත්රණ සභාවන් ( විධාන් සභා) සඳහා මහජනතාව විසින් තෝරා පත් කර ගනු ලබන මන්ත්රීවරුන් හරහා, ජනාධිපතිවරයා වක්රාකාරයෙන් තෝරා පත් කෙරෙන අතර, වසර පහක කාල සීමාවක් සේවය කරයි.
ඓතිහාසික වශයෙන් ගත් කල, පාලක පක්ෂය (ලෝක් සභාවේ බහුතරය) විසින් නම් කෙරෙන්නන් (නිදසුනක් වශයෙන්, එක්සත් ප්රගතශීලි සන්ධානය විසින් නම් කෙරුණු ප්රනාබ් මුකර්ජි) තෝරා පත් කරනු ලැබ ඇති අතර බොහෝ විට නිතරගයෙන් තේරී පත්වී ඇත. තනතුරුධාරි ජනාධිපතිවරුන් හට යළි තේරී පත්වීම සඳහා ඉදිරිපත්වීමට අවසර දෙනු ලැබේ. එක් එක් ප්රාන්තයෙහි ජනගහණය සහ ප්රාන්තයක ව්යවස්ථාදායක මන්ත්රීවරුන් විසින් භාවිතා කල හැකි ඡන්ද ගණන අතර සංතුලනයක් ඇති කරලීම සඳහා සහ ප්රාන්ත ව්යවස්ථාදායක මන්ත්රීවරුන් සහ ඉන්දියානු පාර්ලිමේන්තුවේ මන්ත්රීවරුන් අතර සංතුලනයක් ලබා දීම සඳහාද, ඡන්ද ගණන නියම කරන කිසියම් සූත්රයක් භාවිතා කෙරෙයි. අපේක්ෂකයන් කිසිවකු හෝ ඡන්ද වලින් බහුතරය ලබා නොගත හොත්, එක් අපේක්ෂකයෙක් බහුතරය ලබා ගන්නා තුරු, පරාජිත අපේක්ෂකයන් තරගයෙන් ඉවත් කොට ඔවුන්ගේ ඡන්ද අනෙක් අපේක්ෂකයන්ට පැවරීම සිදු කෙරෙන ක්රමයක් පවතියි.
ඉන්දියාවේ ආණ්ඩුක්රම ව්යවස්ථාවේ 53 වන වගන්තිය විසින් දක්වන පරිදී, ජනාධිපතිවරයා විසින් ඔහුගේ හෝ ඇයගේ බලතල සෘජුව හෝ උපසේවී අධිකාරයක් තුලින් හෝ,[2] භාවිතා කල හැකි බැව් දැක්වෙතත්, ව්යතිරේකයන් කිහිපයක් හැරුණු විට, ජනාධිපතිවරයා වෙත පැවරී ඇති විධායක අධිකාරයේ සමස්ත බලයම, ප්රායෝගික වශයෙන්, භාවිතා කරන්නේ ඉන්දියානු රජය විසිනි. මෙම විධායක බලය ක්රියාත්මක කරනුයේ, අමාත්ය මණ්ඩලයේ උපකාරය සහිතව, අග්රාමාත්යවරයා විසිනි.
ඉන්දියාවේ ජනාධිපතිවරයා වාසය කරන්නේ, නව දිල්ලියේ රාෂ්ට්රපති භවන් නමැති ඉඩකඩමකය[3] (මෙහි දළ පරිවර්තනය ජනාධිපතිගේ මාලිගය වෙයි). ජනාධිපතිමය විවේකී ස්ථානයන් වන්නේ චරබ්රා, ෂිම්ලා හී පිහිටි ද රිට්රීට් සහ හයිද්රබාදයෙහි රාෂ්ට්රපති නිලයම් (ජනාධිපතිගේ පදිංචි ස්ථානය) වෙති.
15 වන සහ වර්තමාන ජනාධිපතිවරයා වන්නේ , 2022 ජූලි 18 දිනදී තේරී පත්වී, 2022 ජූලි 25 දිනදී දිවුරුම් දුන් ද්රෞපදී මුර්මු වෙයි. ද්රෞපදී මුර්මු, ඉන්දියාවේ ඔඩිස්සා ප්රාන්තයේ ගෝත්රික ප්රජාව නියෝජනය කරන කාන්තාවකි.ඉන්දියාවේ ගෝත්රික ප්රජාව නියෝජනය කරන කාන්තාවක විශිෂ්ට ජයක් හිමි කර ගනිමින්, ජනාධිපති ධුරයට පත් වුණු පළමු අවස්ථාව මෙයයි.
හමුදා උත්තමාචාර මැද, මුර්මුගේ දිවුරුම්දීම සිදුවූයේ 2022 ජූලි 25 දින උදෑසන 10.15 ට, ඉන්දීය අගවිනිසුරු එන්.වී. රාමනා ඉදිරියේය.