From Wikipedia, the free encyclopedia
එම්ප්රස් චොන්චු (කොරියානු: 천추태후; හන්ජා: 千秋太后; ප්රරෝ: චොන්චු තේහු; ද අයන් එම්ප්රස් ලෙස ද හඳුන්වයි) යනුවෙන් හැඳන්වෙන්නේ 2009දී විකාශය වූ දකුණු කොරියානු කාලාන්තර ඓතිහාසික රූපවාහිනී කතාමාලාවකි. මේ සඳහා පාදක කොට ගෙන ඇත්තේ හොන්ඒ රැජින නැමැති සත්ය ඓතිහාසික චරිතයකි. සිය මුතුන්මිත්තන් විසින් වීර්යයෙන් යුතුව ගොඩනැගූ දේශය රැක ගැනීමට ඇය ගෙනගිය සදාතනික අරගලය මින් නිරූපණය වේ.[1][2] ගොර්යෝ රාජවංශයේ ආදි කර්තෘවරයා වූ තේජෝ වංගොන්ගේ මිණිපිරිය වූ මෙම අධිරාජිනිය, රාජවංශයේ හත්වන පාලකයා වූ ඇගේ පුත් මොක්ජොං රජු වෙනුවෙන් අනුරාජයා ලෙස කටයුතු කළා ය. ගොර්යෝ රාජධානිය වෙනුවෙන් වූ ඇගේ අභිප්රායයන් වටහාගන්නා ඇය, යුධ සන්නාහ පැළඳ විදේශීය ආක්රමණිකයන්ට එරෙහිව යුධ බිමේ සටන්වැදුණා ය. බලයට පැමිණීමේ දී ඇය විසින් ඇගේ පෙම්වතා, ඇගේ පුත්රයා සහ සොහොයුරාව යටපත් කරන ලදී.[3]
මෙලෙසද හැඳින්වේ | The Iron Empress |
---|---|
රචනය කලේ | සොන් යොං-මොක් ලී සං-මින් කං යොං-රන් |
අධ්යක්ෂණය කලේ | ෂින් චං-සුක් හ්වං ඉන්-හ්යුක් |
රඟපෑම | චේ ෂි-රා කිම් සුක්-හූන් චෝයි ජේ-සුං ලී දොක්-හ්වා කිම් හෝ-ජින් ෂින් ඒ |
ඇරඹුම් තේමාව | "ඕපනිං" (විවිධ ශිල්පීන් විසිනි) |
සම්භව රට | දකුණු කොරියාව |
කථාංග ගණන | 78 |
විධායකනිෂ්පාදක(යෝ) | කිම් වොන්-යොං |
නිෂ්පාදක(යෝ) | ජින් හ්යුං-වූක් |
කැමරා සැලැස්ම | බහු-කැමරා |
ධාවන කාලය | සෙනසුරාදා සහ ඉරිදා 21:30ට |
මුල් නාලිකාව | KBS2 |
රූප ආකෘතිය | 1080i HDTV |
මුල් ධාවනය | ජනවාරි 3, 2009 – සැප්තැම්බර් 27, 2009 |
පූර්වගමනය වනුයේ | King Sejong the Great |
අනුගමනය වනුයේ | Hot Blood |
වෙබ් අඩවිය |
මෙම මාලා නාට්යය සඳහා පාදක කොටගෙන ඇත්තේ ඉතිහාසයේ එන, ගොර්යෝ රාජධානියේ චොන්චු අධිරාජිනිය නැමැති වැන්දඹු රජබිසවගේ චරිතයයි. වසර ගණනාවක් පුරා ඛිටන්වරුන් සහ ඇතැම් ජුර්චෙන්වරුන් වැනි වෙනත් ගෝත්ර සහ රාජධානි විසින් අත්පත් කරගැනීම නිසා සිය රාජධානියට අහිමිව තිබූ භූමිය යළි සන්තක කරගැනීමට ඇගේ මුත්තණුවන්ට වූ පෞද්ගලික සිහිනය යතාර්ථයක් බවට පත් කිරීම වෙනුවෙන් ඇය ලියාඕ රාජවංශයට එරෙහිව සටන් වැදුණා ය.
මෙම කතාමාලාව ප්රධාන වශයෙන් සිය පුත්රයාගේ (පසුව මොක්ජොං යන නාමයෙන් හැඳින්විණි) ප්රසාදය දිනා ගනිමින් ඔහුට සිය බලපෑමට නතු කරගැනීමට ඇයට ඇති අභිප්රාය කේන්ද්ර කර ගනිමින් නිර්මාණය වී ඇත. ඇගේ සොහොයුරා වන ගොර්යෝහි සොංජොං රජු සිය බෑණනුවන් තමන්ගෙන් පසු පාලකයා වශයෙන් කටයුතු කරනු දැකීමට අදහස් කිරීමට එයට හේතුවයි. සිය බෑණනුවන්ව අනාගත අධිරාජයා ලෙස සූදානම් කරවීමට ඔහුගේ මෑණියන් වූ චොන්චු නුසුදුසු යැයි තීරණය කළ සොංජොං අධිරාජයා, ඔහුව සිය දරුවන් නොමැති භාර්යාව අතට පත්කළේ තමන්ගේම පුත්රයා ලෙස හදා වඩා ගැනීමටයි.
මෙම තීරණය සොංජොං සහ ඔහුගේ සොයුරිය අතර විශාල අරගලයක් සඳහා හේතු වේ. ඔවුන් දෙදෙනා එක්ව සහයෝගයෙන් යුතුව ඛිටන් ආක්රමණය වැනි බාහිර තර්ජනවලින් ද, නොයෙකුත් රාජ මාලිග කුමන්ත්රණ සහ බල අරගල වැනි අභ්යන්තර තර්ජනවලින් ද රාජ්යය රැක ගැනීමට දැරූ උත්සාහයට මෙය බාධාවක් වේ.
මෙම කතාමාලාව තුළ නොයෙකුත් ස්වාධීන උත්සාහයන් නිර්මාණය කොට ඇති බව පෙනේ. ඉන් සුලබ උත්සාහයක් ලෙස මොක්ජොංහට අපස්මාරය ඇති බවට පෙන්වා තිබීම දැක්විය හැක. පසුකාලීනව ගං ජෝ සෙන්පතියා විසින් ඔහුව රාජ්ය පාලනයෙන් ඉවත් කිරීමට ද හේතුව එය ලෙස මෙහි දක්වා තිබේ. නමුත් මොක්ජොං රජුට අපස්මාරය පැවති බව සනාථ කෙරෙන කිසිදු ඓතිහාසික සාක්ෂියක් හමු නොවේ.
වර්ෂය | සම්මානය | ප්රවර්ගය | ලාභියා | ප්රතිඵලය |
---|---|---|---|---|
2009 | KBS නාට්ය සම්මාන[5] | විශිෂ්ඨතම සම්මානය, නිළිය | චේ ෂි-රා | දිනාගති |
විශිෂ්ඨ සම්මානය, මාලා නාට්යයක නළුවා | කිම් සුක්-හූන් | දිනාගති | ||
චෝයි ජේ-සුං | නිර්දේශිත | |||
විශිෂ්ඨ සම්මානය, මාලා නාට්යයක නිළිය | ෂිම් හ්යේ-ජින් | නිර්දේශිත | ||
හොඳම සහාය නළුවා | චෝයි චොල්-හෝ | දිනාගති | ||
කිම් මියුං-සූ | නිර්දේශිත | |||
හොඳම සහාය නිළිය | මූන් ජුං-හී | දිනාගති | ||
හොඳම නවක නිළිය | කිම් සෝ-ඉයුන් | දිනාගති | ||
හොඳම යොවුන් නිළිය | පාක් ඉයුන්-බින් | දිනාගති | ||
හොඳම යුවළ සම්මානය | කිම් හ්යොං-මින් සහ ලී ඉයුන්-ජුං | නිර්දේශිත | ||
කිම් හෝ-ජින් සහ ෂින් ඒ | නිර්දේශිත | |||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.