From Wikipedia, the free encyclopedia
ටෝකියෝ ස්කයිට්රී කුළුණ ජපානයේ සුමීඩා නගරයේ පිහිටා ඇති අතර එය අවන්හලක්, නිරීක්ෂණ කුළුණක් හා රූපවාහිනී / ගුවන්විදුලි සම්ප්රේෂණාගාරයක් ලෙස භාවිතා කරනු ලබයි. 2010 දී එය එවකට ජපානයේ උසම ආකෘතිය වූ අතර 2011 මාර්තු මාසය වන විට ස්කයිට්රී කුළුණ එවකට ලෝකයේ උසම කුළුණ බවට පත්ව තිබූ කැන්ටන් කුළුණ අභිභවා යමින් සිය උපරිම උස වන මීටර් 634ට ළගාවිය. පසුකාලීනව මීටර් 829.8ක උසකින් සමන්විත බර්ජ් ඛලීෆා (Burj Khalifa) කුළුණ ඉදීකිරීමත් සමග ටෝකියෝ ස්කයිට්රී කුළුණ ලොව උසම කුළුණු අතරින් දෙවන ස්ථානයට පත්විය.
Tokyo Skytree | |
---|---|
ටෝකියෝ ස්කයිට්රී | |
![]() ටෝකියෝ ස්කයිට්රී 2014 දී | |
සාමාන්ය තොරතුරු | |
තත්ත්වය | සම්පුර්ණ කරන ලද |
ප්රභේදය | අවන්හලක්, නිරීක්ෂණ කුළුණක් හා සම්ප්රේෂණාගාරයක් |
ගෘහනිර්මාණ ශෛලිය | Neofuturistic |
පිහිටීම | සුමීඩා, ටෝකියෝ, ජපානය |
ඛණ්ඩාංක | 35°42′36.5″N 139°48′39″E |
ඉදිකිරීම් ආරම්භ වූයේ | 14 ජූලි 2008 |
සමාප්තිය | 29 පෙබරවාරි 2012 |
පිරිවැය | ඇ.ඩොලර් මිලියන 600 |
හිමිකරු | Tobu Tower Skytree Co., Ltd. |
උස | |
ඇන්ටෙනා කුළුණු | 634.0 m (2,080 ft) |
පියස්ස | 495.0 m (1,624 ft) |
ඉහළ මහල | 451.2 m (1,480 ft) |
තාක්ෂණික තොරතුරු | |
මහල් සංඛ්යාව | පොළව මට්ටමෙන් ඉහළට මහල් 32 පොළව මට්ටමෙන් පහළට මහල් 3 |
සෝපාන/උත්තෝලක | 13 |
සැලසුම සහ ඉදිකිරීම | |
ගෘහනිර්මාණ ශිල්පියා | Nikken Sekkei |
ප්රධාන කොන්ත්රාත්කරු | Obayashi Corp. |
ටෝකියෝ ස්කයිට්රී කුළුණ ජපානයේ කන්තෝ ප්රදේශයේ රූපවාහිනී හා ගුවන්විදුලි සම්ප්රේෂණ කටයුතු සදහා කේන්ද්රීය ස්ථානය ලෙස යොදාගන්නා අතර පැරණි ටෝකියෝ කුළුණ උස ගොඩනැගිලි වලින් ආවරණය වී ඇති බැවින් තවදුරටත් සම්ප්රේෂණ කටයුතු සදහා යොදාගනු නොලැබේ.
අධික වර්ෂයක් වූ 2012 පෙබරවාරි 29 දින මෙම ටෝකියෝ ස්කයිට්රී කුලුණෙහි වැඩ නිමකල අතර එය මහජන ප්රදර්ශනය සදහා 2012 මැයි 22 දින විවෘත කරන ලදී. විශාල වාණිජ ව්යාපෘතියක ප්රධාන අංගය වූ මෙම කුළුණ නිර්මාණය සදහා Tobu දුම්රිය සමගම හා NHK (ජපන් විකාශනාගාර සංස්ථාව) මූලික කරගනිමින් තවත් විකාශන ආයතන 6ක් අරමුදල් සම්පාදනයෙන් දායක වී ඇත. යාබදව පිහිටා ඇති Tokyo Skytree දුම්රිය ස්ථානයේ හා Oshiage දුම්රිය ස්ථානයේ දුම්රිය නතරකරනු ලබන අතර මෙම සංකීර්ණය ටෝකියෝ දුම්රිය ස්ථානයේ සිට කිලෝමීටර 7ක් ඊසාන දෙසින් පිහිටා ඇත.
පහත සඳහන් සංකල්ප තුනක් මත පදනම් ව 2006 නොවැම්බර් 24 දින මෙහි සැලසුම ප්රකාශයට පත් කරන ලදී
ටෝකියෝ ස්කයිට්රී කුළුණ ජපානයේ මහල් 5කින් සමන්විත පෞරාණික ස්ථූපයක හැඩයට සමාන වන අතර එමගින් ඓතිහාසික Asakusa නගරයේ පෙනුමටද උචිත ලෙස නිර්මාණය කර ඇත. කුළුණේ පාදම තෙපාවක (tripod) ආකෘතියට සමාන වේ. පාදමෙහි උස මීටර් 360කි. පාදමෙන් ඉහළ කොටස නගරයත්, ගංඟාවත් හාත්පසින් පෙනෙන පරිදි සිලින්ඩරාකාර හැඩයකින් යුතුව නිර්මාණය කර ඇත. කුළුණෙහි එකවර මිනිසුන් 2000කට පමණ සිරි නැරඹියහැකි මීටර් 350ක දිගින් යුත් නිරීක්ෂකාගාරයක්ද, එකවර මිනිසුන් 900කට පමණ සිරි නැරඹියහැකි මීටර් 450ක දිගින් යුත් තවත් නිරීක්ෂකාගාරයක්ද ඇත. ඉහළ පිහිටා ඇති නිරීක්ෂකාගාරයේ සර්පිලාකාර හැඩයකින් යුත් වීදුරු වලින් ඉදිකළ මංතීරු දක්නට ලැබේ. කුළුණ නැරඹිමට පැමිණෙන්නන්ට එහි ඇති උපරිම ස්ථානයට යෑමට ඉහළ නිරීක්ෂකාගාරයේ සිට මීටර් 5ක දුරක් තරණය කල යුතුය. බිම සැකසීමට වීදුරු යොදාගැනීම මගින් නරඹන්නන්හට පහල පිහිටා ඇති වීදි සෘජුවම දැකගැනීමට හැකියාව ලැබේ.
සවිමත් අභ්යන්තර කොන්ක්රීට් කඳකින් යුක්ත මෙම කුළුණෙහි භූමිකම්පාවන්ට එරෙහි ප්රතිරෝධයක් පවතී. පොළව මට්ටමේ සිට පළමු මීටර් 125 දක්වා ප්රධාන කුළුණු කඳ බාහිර විව්යුහය හා සම්බන්ධ වන අතර එහි සිට මීටර් 375 දක්වා කුළුණු කඳ කම්පන අවශෝෂක හරහා කුළුණු රාමුව හා සම්බන්ධ වේ. මෙම කම්පන අවශෝෂක භූමිකම්පාවකදී ප්රතිරෝධයක් ලෙස ක්රියාකරයි. අමතර ආරක්ෂාව සඳහා ස්කන්ධ පාලන යාන්ත්රණයක් භාවිතා කරනු ලබයි. භූමිකම්පා අවස්ථාවකදී මෙම කම්පන අවශෝෂක පද්ධතිය විසින් එම කම්පනය ගොඩනැගිලි විව්යුහයෙන් ඉවතට තල්ලු කරමින් ගුරුත්ව කේන්ද්රය හැකිතාක් පාදම දෙසට මධ්යගතව තබාගැනීමට ක්රියාකරයි. නිර්මාණකරුවන් පවසන අන්දමට මෙම අවශෝෂක වලට භූමිකම්පාවක මුළු ශක්තියෙන් 50% ප්රමාණයක් අවශෝෂණය කරගැනිමේ හැකියාවක් පවතී.
Skytree White යන නාමයෙන් හඳුන්වනු ලබන පැහැයෙන් මෙහි බාහිර දැලිස වර්ණවත් කර ඇත. අයිජීරෝ යනුවෙන් හැඳින්වෙන නිලට හුරු සුදු පැහැයෙන් යුක්ත සාම්ප්රදායික ජපන් වර්ණයක් මූලික කරගෙන මෙම වර්ණය නිපදවා ඇත.
මෙහි ආලෝකකරණය 2009 ඔක්තෝබර් 16 වන දින නිමකර ඇත. Sky Blue හා දම් පැහැයෙන් යුතු LED වර්ණ රටා දෙකක් උපයොගීකරගෙන මෙම කුළුණ ආලෝකවත් කර ඇත.
2007 ඔක්තෝබර් සිට නොවැම්බර් දක්වා කාලය කුළුණ සඳහා නම් යෝජනා කිරීමට මහජනතාවට අවස්ථාව ලබා දී ඇත. 2008 මාර්තු 19 දින කමිටුව විසින් එම නම් අතරින් අවසන් නම් 6ක් තෝරාගන්නා ලදී. ඒවා නම් "Tokyo sky tree", "Tokyo Edo tower", "Rising tower", "Tower of the future", "Dream lookout" හා "Rising east tower" යනුවෙනි. අනතුරුව නිල නාමය තෝරාගන්නා ලද්දේ ඡන්ද විමසීමකින් වන අතර එය 2008 ජුනි 10 දින Tokyo Skytree යනුවෙන් නිල වශයෙන් ප්රකාශ කරන ලදී. මෙම නම සඳහා ආසන්න වශයෙන් 30%ක ඡන්ද ප්රමාණයක් හිමිව ඇත. දෙවැනියට ජනප්රියතම නම වී ඇත්තේ "Tokyo Edo tower" ය.
මෙහි උස මීටර් 634ක් වන අතර එම උස ප්රමාණය තීරණය කොට ඇත්තේ පහසුවෙන් මතක තබාගැනීමට හැකි නිසායැයි සඳහන් වේ. මක් නිසාදයත් ජපන් භාෂාවෙන් 6ට “මු” ලෙසත්, 3ත “සා” ලෙසත්, 4ට “ෂි” ලෙසත්, එවිට 634ත “මුසාෂි” ලෙස හඳුන්වයි. මෙම “මුසාෂි” නමින් ජපානයේ ඉපැරණි ප්රදේශයක් පැවති බව සඳහන් වේ.
මෙම කුළුණ රූපවාහිනී / ගුවන් විදුලි සම්ප්රේෂණාගාරයක් හා සන්නිවේදන කුළුණක් ලෙස භාවිතා වේ. .
සංඛ්යාත | ස්ථානයේ නම | කේතය | බලය | ERP | විකාශනය ප්රදේශයේ |
---|---|---|---|---|---|
81.3 MHz වලින් | J-Wave Tokyo |
JOAV-FM | 7 kW | 57 kW | ටෝකියෝ |
82.5 MHz වලින් | NHK FM Broadcast Tokyo |
JOAK-FM | |||
90.5 MHz වලින් | TBS Radio Sumida |
කන්තෝ දකුණු ප්රදේශය | |||
a91.6 MHz වලින් | Nippon Cultural Broadcasting Sumida | ||||
93.0 MHz වලින් | Nippon Broadcasting System Sumida |
ස්කයිට්රී හි විවෘතවීම සිදුවීමත් සමගම වාර්තාගත ලෙස මහජනයා සතියක පමණ කාලයක් ප්රවේශපත් මිලදී ගැනීම සදහා පෝලිම් වල රැදී සිටියහ. මෙය විවෘතවීමත්, මහජනයා නැරඹිමට පැමිණීමත් හේතුවෙන් පළමු මස දෙක ඇතුලත කුළුණ මුදුනත කිසිදු ඉඩකඩක් නොමැතිවිය. විවෘතකළ දිනයේ පැවති වැසි සහිත කාලගුණය කුලුණෙහි නැරඹුම් මැදිරියේ දර්ශන අවහිරකලද දස දහසක ජනකායක් මෙය වෙත ඇදී ආහ. දැඩි සුළං තත්වය විදුලි සෝපාන දෙකක් ක්රියාවිරහිත කිරීමට හේතු විය. ඒ හේතුවෙන් යම් නරඹන්නන් සංඛාවකට නැරඹුම් මැදිරියේ සිරවී සිටීමටද සිදුවිය.
හිමිකරුවන් පවසන අන්දමට පළමු සතිය ඇතුළත මිලියන 1.6ක ජනකායක් ස්කයිට්රී වෙත පැමිණ ඇත. දේශීය පදිංචිකරුවන් පවසනලද අන්දමට නරඹන්නන්ගේ ගලා ඒම ඔවුන්ගේ ප්රජාවෙහි බාධාවක් වී ඇත. එසේ වුවද මේ හේතුවෙන් යම්කිසි ආර්ථික වාසියක්ද ප්රදේශයට අත් වී ඇත.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.