![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/80/Wikipedia-logo-v2.svg/langshi-640px-Wikipedia-logo-v2.svg.png&w=640&q=50)
Wikipidya
From Wikipedia, the free encyclopedia
Tga Wikipidya yat tsanayt nɣ d asamu amuṭṭun igan ilelli nɣ aḥuṛṛi illan s ɣaydd n tutlayin, tettuyskar d tettuyɛdal fad ad tg yat twuri n umyawas innurẓmn i kraygat yan, xdmn gis agudi n imaratn nna gis ittaran bla ad gis rbḥn nɣ ad gis amẓn tiɣrad[1], s uwttas ad tg tussna yat tɣawsa igan fabuṛ ur iqqan ad dars yili atig d kraygat yan dars azrf ad iɣr d ad yaqqra ɣayli ittiri[2]. Tga Wikipidya yan zɣ iɣbula n lmɛlumat nna akk imqqurn d nna akk ittuyssan ɣ umaḍal ɣ ammas n wantirnit, d nttat yat zɣ smuss d mraw isitn lli d ttkkan middn bzaf s tṣnif lli tskr Aliska ɣ wayyur n yunyu 2020[3]. Ar takka tsanayt ad yan lmuḥtawa igan fabuṛ d bla n id lichar. Tumẓ tt tmrslt n Wikimidya d nttat ad sis ittklfn, tga tmrslt ad yat tmaddast ur igi awttas nns iqariḍn, ar t ttmwaln middn ɣar s tiwisi d tabarruɛat[4].
![]() Amnni ad ur iṭṭif taggayt. Zayd as kra n taggayt nna rad d dis yack, ad ur tettut ad tkkst talɣa ad akud nna as tt tzuydt. Ad ur tikṣuḍt! Tettusras tbrat ad bac ad tt tẓṛ trabbut n tnṭṭuft d uzzray n imnnitn. Ayad ur isnamk is tskrt kra n uzgal. |
Wikipidya Wikipedia | |
![]() | |
Azday: | wikipedia.org |
Tanfalit: | Tasanayt tilellit |
Anaw n usit: | Tasanayt tamuṭṭunt |
Tutlayt: | 316 (yanayr 2021) |
Azmmem: | Fabur d iɣ trit |
Bab: | Timrslt n Wikimidya |
Iskr tt: | Jimmi Walis d Larri Sangr |
Ibda ɣ: | 15 yanayr 2001 |
Mɛlumat yaḍni | |
Asɣnzi: | ![]() |
Asussn: | ![]() |
Ibda usit ad n Wikipidya ɣ 15 yanayr 2001 s ifassn n Jimi Wilz d Lari Sanjr, d Sanjr ad as ifkan yism ad, ism ad n Wikipidya ibḍa f snat tguriwin, Wiki s unamk n Bzrba zɛma da gis ttafat lmɛluma dɣya, d Pidya lli d ikkan tguri n Encyclopedia. Lliɣ bḥra tbda tkka-tt-inn ɣar s tutlayt tanglizt, mac dɣya sliɣ d gis baynt tutlayin yaḍni lli tn ikkan xtalfn cwiya ɣ lmuḥrawa lli tn gis kkant ula tɣarast n tirra nnsnt. Ɣil ad llan uggar n 300 id wikipidya, tin tanglizt ad akk gisn imqqurn d tṭṭaf uggar n 5 id mlyun n imgradn. Ɣ kulci wikipidyat, llan kra n 40 id mlyun n imgradn s 300 tutlayt. Ɣ fibrayr 2014 tettuyẓra wikipidya kra n 18 id mlyar n twal d kra n 500 id mlyun n lvizitat kraygat wayyur.
Ɣ mars 2017 wikipidya tṭṭf uggar n 40 id mlyun n imgradn ifulkim zɛma mqqurn d ittyuran s yat tɣarast ifulkin. Ɣ 2015 tbdr tasɣunt n Natcr yat rrivyu ar gis tqaran 42 imgradn n tmassant zɣ yat tasanayt tga s yism Briṭanika nttat d Wikipidya, tufa masd ddiqqa n imgradn n Wikipidya taẓ i tin Briṭanika. Tasɣunt n Mkazin ula nttat tnna masd tasrtit n Wikipidya da tajjan kraygat yan ad gis yara mayad ad isɣlin atig n Wikipidya aylliɣ tga xkad lli tga ɣilad tuf akk tasanayin yaḍni lli ganin s iqariḍn