![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/Blausen_0592_KidneyAnatomy_01.png/640px-Blausen_0592_KidneyAnatomy_01.png&w=640&q=50)
Tigẓẓlt
asknaf illan g tafgga n kigan n imudrn / From Wikipedia, the free encyclopedia
Tigẓẓlt (Amagut nns: Tigẓẓal) tga yat tslaḍt tawdurant ɣ tɣssa n imudar, ɣ mad iẓlin s ufgan ar dars ttilint snat tgẓẓal dar amaka n mddn, ilin kra n wid dar tlla ɣar yat (5% n mddn), tawuri nnsn izwarn ad ffrnt idammn d ad tn zzizdignt (ar sfllasn sittint arras zun d Yuri d ukryatinin), maccan ar daɣ ssiwisnt ɣ umyas n iɣrɣr agʷnsan, d usggm n uduz n idammn (Aṭansyu) acku ar ṭṭaynt yan wurmun mi ismn Arinin da t ittalln, gnt yat tṣlaḍt da lkkmn bahra iẓuṛan n idammn. Kra iga t tigẓẓlt ar gis ttilin ma ittggan mnnaw id mlyun n ifrdisn ar asn ttinin Anifrun, ku Yanifrun gis yat tkura d yat tqidust, d nttan ad igan amstggar n tidt f twuri n tgẓẓal.
![Thumb image](http://upload.wikimedia.org/wikipedia/commons/thumb/d/d6/Blausen_0592_KidneyAnatomy_01.png/640px-Blausen_0592_KidneyAnatomy_01.png)