From Wikipedia, the free encyclopedia
Ilul Ismɛil Aygun ɣ wass n 23 dujanbir 1955 s asggas amaziɣ 13 dujanbir 1005. Ig Şivan Perwer niɣd ɣiklli sat n ttini (cvan parwan) assaɣ ns llis ittuyssan ɣ tasga n Urfa lli illan ɣ tamazirt n turkaya . Ig Ismɛil Aygun Amdyaz d umara d unaẓur n umarg akurdi. Agdud ns iggut bahra illuzzu f tmura n turkya, Iran d timizar n urupa . Ig fellas tugga mas ra-d ig ameksa lli ra-d irar ixef s tussna d tmagit Takurdit zeg uccanen n tillas.
Şivan Perwer | ||||||||||||||||||||||||
|
Şivan Perwer lli igan s takurdit (Ameksa amagdal). Assaɣ ad istit unaẓurad akurdi uw gayuns, ig fllas tugga ard irar atig i tussna d tmagit takurdit. Tamagitad lli fa kkatn ikurdiyn tusutin ayad ad ur tutymḍal zund tiyyad n iɣrfan lli iddan.
Inkrd Ismɛil Aygun ɣ tat tuwja n inaẓuṛn umarg akurdi. inkrd f lɛwaid n Dengbêj d iqburn n bardis (willi talsn i dmin dmin ayndi ɣ tswak d iduran n tamazirt n kurdistan. Mayad ifa atig amqran i tiwuriwin ns d tẓuṛi n ikurdiyn wala amarg Sivan .
Ard ittagmŞivan Perwer ɣ ughbalu n taysi n uɣrf Akurdi, imun d tgharast n Dengbêj (Rwayes ikurdiyen) lli ittmuddun zeg uduwwar s uduwwar g tmazirt n Kurdistan; drun amareg, tallasin d uẓawan d ugdud nsen. Ar ikkat Şivan imiss n uzawan Akurdi Saz ; lli igan zuns amzad (Ribab) dar imaziɣen, ig zund asaz (Saz) dar ikurdiyen, d llid igan s tazdayt n Iggut Abdelhadi d ubanju nes ad tga tin Şivan Perwer d imiss nes akurdi Saz.
Γ umzwaru n tbrida ns tanaẓurt, irir Şivan Perwer f izlan n tayri, tadukli, tagmat, tiffugna d tudert. Ur issen Şivan is ra-d ig amarir axatar, ig amazan n uɣrf Akurdi tizi lli ɣ issnta tiɣri n tusnakt ɣ tsdawit n Anqara, mac tudrt tga tudrt n yan umazan lli f illa ad islkm tbrat llid iqan ad tlkm asays mqurn n umaḍlan.
Iffuɣ Şivan Perwer z Turkya tizi lliΓ as tsutuln uṣkayn n tanbaḍt Taṭurkit ad as gin taqmamt d isekraf, d ad t sskcmn timṣray n tillas lli kcmn wili taln i ixfawn nsn inin nga Ikurdiyn d rad nsawal tutlayt negh Takurdit. Zeg tizi lli g iffugh Ṭurkya g useggʷas n 1975, tusi tayyught n uzwag Şivan Perwer, yasi awed netta tabrat n ugherf akurdi ad st isselkem i y ugherf amaḍlan, yals as tammara d tkerrayt issuteln i y umadan nes. Zeg usggas an ad ikkes Şivan timelsin n umarir aklaṣik iles tin umarir arugi, at ittirir iseqsiten n tmagit, tilelli, azeḍḍum, tillawt d imal n Ikudiyen d Kurdistan. Terẓem as tmazirt n Aliman tiggura nes, ar itekka timizar n Uṛupa yasi tabrat n ayt dares, ig amazan n Kurdistan ɣ umaḍal. Γ tamaziɣt n Fransa, irir izli n Ḥelebce (Halabja), issekti-d askerḍ amaḍlan n 1988, issekti-d igh°zniwen, idbidamen d idwarul lli inghan azzan d uwessar, tameṭṭut d urgaz s isem n Tiɛɛurba d s ifasen n isalmaden nes. Mac, imḍl wac, iqamad w-arraw n ikurdiyn isul, yall ixf ns s ignwan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.