![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Flag_of_the_Republic_of_Abkhazia.svg/langshi-640px-Flag_of_the_Republic_of_Abkhazia.svg.png&w=640&q=50)
Abxazya
From Wikipedia, the free encyclopedia
Abxazya (s Tutlayt Tabxazt: Аҧсны, s Tjuṛjit: აფხაზეთი, s Trusit: Абха́зия) tga yat tmnaḍt nna f illa yimiɣ, tlla f uftas agmuḍan n yill asggan. Tbṛṛḥ tasimant nns sf Juṛjya ɣ usggʷas n 1991, aylli yujjan imnɣi Abxaz-Ajuṛji ad ibdu. Tga tagduda nna ur ilin tusnt dar umata n tmizar n umaḍal s uslid n Rusya d Nikaragwa d Finzwila d Nawru. S bzziz fllasn, fkan imɣarn n tsrdast Tajuṛjiyt Ɣ usggʷas n 1993 anaḍ n wufuɣ zɣ tmnaḍt ḍaṛat n umnɣi isuln uggar n usggʷas d igrawliyn imngiriyn.
Abxazya |
---|
![Thumb image](http://upload.wikimedia.org/wikipedia/commons/thumb/7/7a/Flag_of_the_Republic_of_Abkhazia.svg/320px-Flag_of_the_Republic_of_Abkhazia.svg.png)
Tlkm tjumma nns 8665 km², tg Suxmi tamaẓunt nns. Zɣ tɣrmin nns timqqranin tlla Bitswanda, Gali, d Gagra. tbdd tdamsa nns f tmaṛṛayt. Tumẓ Abxazya azgn n iftasn nna tt inn ikkan gan win Juṛjya (Jurjya dat usggʷas 1989). Tbdd tdamsa n tmazirt n Abxazya f tyrza d ufars n ṭaba, ilin dars igran n ṭaba mqqurnin. Acku umẓn waman mad igan 37.4% zɣ tjumma nns, yili dars yan ungigt ismmiḍn ɣ tgrst d ungigt anammas ɣ unbdu, ibuɣla yigr n tyrziwin mqqurnin s ufars n lɣllat, ibuɣlu ufars n watay. Ayad akkʷ ur ikkis almaḍ i tdamsa n Abxazya acku ibidd f yigran imannazn (seasonal) nna iṭṭarn s imskarn n ungigt d tdamsa d tsrtit. Iga ungigt n Abxazya ugris amdrar, ayda inqqan tayrza, iffɣ f yigr n tmallayt n tmazirt ad mi sul tkukḍ tdamsa.