gonagasriika Davvi-Eurohpás From Wikipedia, the free encyclopedia
Ruoŧŧa (ruoŧagillii Sverige) dahjege Ruoŧa gonagasriika (ruoŧagillii Konungariket Sverige) lea riika Eurohpás. Dat gullá Davviriikkaide ja lea Skandinávias. Dan rádjeriikkat leat Suopma ja Norga. Ruoŧas lea maiddái čáhcerádji Dánmárkui. Ruoŧas orrot 10,1 miljovnna olbmo ja lea geográfalaččat viđat stuorimus riika Eurohpás.
Ruoŧa gonagasriika Konungariket Sverige |
|
---|---|
![]() Leavga |
![]() Vearjogovva |
![]() Kárta |
|
Stáhtahápmi | Vuođđolágalaš monarkiija |
Gonagas | Carl XVI Gustaf |
Stáhtaministtar | Ulf Kristersson |
Oaivegávpot | Stockholbma |
Viidodat | 450 295 km² |
Olmmošlohku | 10 462 498 |
– ássečoahkkisvuohta | 22/km² |
Virggálaš gielat | ruoŧagiella |
Valuhta | Ruoŧa ruvdno () |
Áigi | UTC+1 |
– geasseáigi | UTC+2 |
Nationálabeaivi | geassemánu 6. beaivi |
Nationálalávlla | Du gamla, du fria |
Interneahtta-TLD | .se |
Ruoŧa oaivegávpot lea Stockholbma, man olmmošlohku lea 1,4 miljovnna. Statistihkalaš guovddášdoaimmahaga (Statistiska centralbyrån) meroštallama mielde, namalassii eanet go 200 000 ássi, gávdnojit maiddái lassin golbma stuorragávpoga: Göteborg, Malmö ja Uppsala. Sullii 85% riikka olbmuin orrot báikegottiin, ja dát lohku stuorru. Ruoŧas lea vuollegaš čoahkkisvuohta, sullii 22 olbmo njealjehaskilomehteris. Čoahkkisvuohta lea alit Lulli-Ruoŧas.
Ruoŧŧa lea konstitutionála monarkiija ja parlamentáralaš demokratiija. Riika lea miellahttu Ovttastuvvan Našuvnnain jagi 1946 rájes ja Eurohpá uniovnnas jagi 1995 rájes.
Ruoŧŧa lea Davvi-Eurohpás ja Nuortameara oarjjábealde. Dat lea Skandinávialaš njárgga nuortaoassi ja dáinna lágiin Ruoŧas lea guhkes riddu. Oarjin lea Skánddat (várreviđji mii ráhkada Norgga ja Ruoŧa riikaráji). Riikarádji Ruoŧa ja Norgga gaskkas lea Eurohpá guhkimus riikarádji. Dánmárku lea Ruoŧa rádjeriika meara bokte ja Öresund-šaldi Ruoŧa ja Dánmárkku gaskkas lea dehálaš oktavuohta eará Eurohpá riikkaide. Ruoŧa alimus báiki lea Giebmegáisi (2111 m) ja vuolimus báiki lea jávri Hammarsjön (−2.41 m).
Ruoŧas leat 25 eanangotti (landskap) muhto dán juogos lea dušše kultuvrralaš, historjjálaš ja geográfalaš vuođđu.
15% Ruoŧas lea poláragierddu davábealde. Vuovdi gokčá 65% Ruoŧa viidodagas.
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.