Sámi allaskuvla lea ásahuvvon jagis 1989 Guovdageidnui, Norgii. Allaskuvllas leat sullii 270 studeantta ja 100 bargi (dieđut 2018).[1] Allaskuvlla váldoulbmilin lea addit sámegielat studeanttaide gelbbolašvuođa bargat sihke Sámis ja eará servodagain.
Doaimmat
Sámi oahpahus ja sámi dutkan lea leamašan sihke vuođđun ja eaktun Sámi allaskuvlla doibmii. Danne dadjat dávjá Sámi allaskuvlla leat sámi ásahussan. Vuođđudeami rájes leat Sámi allaskuvlla fálaldagat ja doaimmat mealgat viiddiduvvon. Nu leage Sámi allaskuvla searvan nanusmahttit sámi servodaga. Sámi dutkan lea seamma áigodagas oppalaččat sakka rievdan ja viiddiduvvon ja dan ovdáneamis lea Sámi allaskuvla leamašan guovddážis ovttas eará ásahusaiguin.
Sámi allaskuvllas leat čuovvovaš oahppofáláldagat:
- Sámi vuođđoskuvlaoahpaheaddjeoahput (integrerejuvvon master)
- Mánáidgárdeoahpaheaddjeoahppu (bachelor)
- Sámi giella ja girjjalašvuohta (álgooahpahusas gitta doavttergráda dássái)
- Journalistihkka (bachelor ja master)
- Duodji (bachelor ja master)
- Boazodoallu (bachelor)
Dasa lassin sáhttá váldit oahppoovttadagaid sierran almma ahte olles prográmmaoahpu čađahit. Lea maid vejolaš nu gohčoduvvon friddja bachelora váldit.
Sámi allaskuvla lea maid miellahttun University of Arctic (UArctic) fierpmádagas gos Sámi allaskuvla vuoruha eamiálbmotdoaimmaid.
Sámi lohkanguovddáš lea maid oassin Sámi allaskuvllas. Dat lea našuvnnalaš gealboguovddáš mii erenoamážit bargá oahpahusvuogádahkii buorrin, mánáidgárddi rájes gitta alit oahpu dási radjái. Sámi lohkanguovddáš bargá viidát ovddidit njálmmálaš ja čálalaš sámegielageavaheami álbmogis.
Sámi allaskuvllas lea maid ovddasvástádus hálddašit sámi ofelašdoaimma ja sámi statistihka fágalaš analysajoavkku mii redigere Sámi logut muitalit / Samiske tall forteller nammasaš almmuheami.
Jođiheapmi
Rektorat
- 2019 − 2023 Láilá Susanne Vars[2]
- 2015 − 2019 Gunvor Guttorm[3]
- 2011 − 2015 Jelena Porsanger
- 2007 − 2011 Steinar Pedersen
- 2003 − 2007 Mai Britt Utsi
- 2000 − 2003 Kjell Kemi
- 1996 − 2000 Asta Balto
- 1989 − 1996 Jan Henry Keskitalo
Direktevrrat
- 2017 − Johan Ailo Kalstad[4]
- 2011 − 2017 Maaren Palismaa
- 2005 − 2011 Anders J.H. Eira
- 2002 − 2004 Marit Breie Henriksen
- 1999 − 2002 Johan Klemet Hætta
- 1996 − 1999 Máret Guhttor
- 1994 − 1996 Aslak Nils Sara
Liŋkkat
Gáldut
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
