![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f2/Convention_on_the_Rights_of_the_Child.svg/langse-640px-Convention_on_the_Rights_of_the_Child.svg.png&w=640&q=50)
Konvenšuvdna mánáid vuoigatvuođaid birra
From Wikipedia, the free encyclopedia
Ovttastuvvan našuvnnaid konvenšuvdna mánáid vuoigatvuođaid birra[1][2], ON oppalašsoahpamuš mánáid vuoigatvuođain, ON:a máná vuoigatvuođaid oppalašsoahpamuš[3], Konvenšuvnna mánáid vuoigatvuođain[4], Mánáid vuoigatvuođaid oktasašsoahpamuš[5], ON mánáidkonvenšuvdna[6] dahje Mánáidkonvenšuvdna[1] (julevsámegillii: FN:a konvensjåvnnå máná riektaj birra dahje Mánnákonvensjåvnnå, lullisámegillii: EN:n konvensjovne maanan reaktaj bïjre dahje Maanakonvensjovnesne, anárašgillii: OA sopâmuš paarnij vuoigâdvuođâin, nuortalašgillii: ÕM:i suåppmõš päärnai vuõiggâdvuõđin, eaŋgalasgillii: UN Convention on the Rights of the Child) lea vuosttaš riikkaidgaskasaš olmmošvuoigatvuođakonvenšuvdna mas mearriduvvojit mánáid čuvgehuslaš, dearvvašvuođalaš, ekonomalaš, kultuvrralaš, politihkalaš ja sosiálalaš vuoigatvuođat buot dilis.[7]
![Thumb image](http://upload.wikimedia.org/wikipedia/commons/thumb/f/f2/Convention_on_the_Rights_of_the_Child.svg/640px-Convention_on_the_Rights_of_the_Child.svg.png)
Fioleahtta: Riikkat mat leat vuolláičállán, muhto eai leat ratifiseren soahpamuša.
Ránis: Riikkat mat eai leat vuolláičállán eaige ratifiseren soahpamuša.
![Thumb image](http://upload.wikimedia.org/wikipedia/commons/thumb/4/44/Child_soldier_in_the_US_Civil_War.jpg/640px-Child_soldier_in_the_US_Civil_War.jpg)
Konvenšuvdna dohkkehuvvui ON:a 44. dievasčoakkámis skábmamánu 20. b. 1989[3][8]. Konvenšuvdna guoská buot vuollel 18-jahkasaččaid, muhto eará riikkain sáhttet lágasteaset mearridit válddálašvuođaagi eará láhkai[9].