پيانگ يانگ(انگريزي: Pyongyang ) اتر ڪوريا ملڪ جو سڀ کان وڏو شهر ۽ گادي جو هنڌ آهي جيڪو ٽائڊنگ ندي جي ڪناري تي واقع آھي اھا ندي اتان 109 ڪلوميٽر جي فاصلي تي پيلي سمنڊ ۾ ڇوڙ ڪري ٿي. 2008 جي ڪاٿو مطابق ھن شھر جي آبادي 32,55,288 ھئي ھن شھر جو درجو صوبي جھڙو آھي ۽ اتي شھر جي الڳ حڪومت قائم آھي. ھن شھر جو شمار ڪوريائي اپٻيٽ جي سڀ کان پراڻن شھرن ۾ ٿئي ٿو. اھو ٻن قديم ڪوريائي بادشاهين ھرھڪ گوجوسيئون ۽ گوگريئو جو پڻ گادي جو هنڌ رھيو. پھرين چين جاپان جنگ ۾ ھي شھر لڳ ڀڳ تباھ ٿي ويو ھو پر پوء جاپان جي قبضي دوران ڪوريا جو صنعتي مرڪز بڻيو. اتر ڪوريا جي قيام بعد شھر ملڪ جو ڊي فيڪٽو گادي جو هنڌ ٿيو. ڪوريائي جنگ ۾ جي شھر ھڪ دفعو ٻيھر تباھ ٿيو پر جنگ جي خاتمي بعد سوويت يونين جي مدد سان جلد ٻيھر تعمير ٿي ويو. جي شھر ھن وقت اتر تور جو سياسي، صنعتي ۽ آمدورفت جو مرڪز آهي.