لويف
From Wikipedia, the free encyclopedia
From Wikipedia, the free encyclopedia
لِوِيف يا لِِوِِيو (انگريزي: Lviv, يوڪريني: Львів ( ٻُڌو)، پولش: Lwów، ( ٻُڌو) جرمن: Lemberg ( ٻُڌو)، روسي: Lvov) يوڪرين جو ڇھون وڏو شھر جنھن جي آبادي 717,510 (2021ع) آھي[1]. ھي شھر يوڪرين جو ھڪ وڏو ثقافتي مرڪز آھي. ھن شھر تي اھو نالو روٿينيا جي بادشاھ ڊينئل جي پٽ لئو (Leo)جي ياد ۾ 1256ع ۾ رکيو ويو[2]. ھي شھر 1272ع کان 1349ع تائين گيليشيا - وولھائينيا (Galicia–Volhynia) سلطنت جي گاديءَ جو ھنڌ رھيو[3]. 1434ع ۾ ھن شھر کي پولينڊ جي صوبي (Voivodeship) روسينين (Ruthenian) جي گاديءَ جو ھنڌ بنايو ويو. 1772ع ۾ پولينڊ جي پھرئين ورھاڱي کان پوءِ ھي شھر گيليشيا ۽ لوڊوميريا بادشاھت (Kingdom of Galicia and Lodomeria) جي گاديءَ جو ھنڌ رھيو. 1918ع ۾ ٿوري عرصي لاءِ ھي شھر اولھ يوڪرين جي عوامي جمھوريہ جي گاديءَ جو ھنڌ پڻ رھيو. 1939ع ۾ ھي شھر سوويت يونين جو حصو بنجي ويو جڏھن تہ 1991ع ۾ يوڪرين جي آزاديءَ کان پوءِ انھيءَ ملڪ جو حصو بنجي ويو. ھي شھر لويف صوبي (Oblast) جي گاديءَ جو ھنڌ آھي. ھي شھر پولينڊ جي سرحد کان 70 ڪلوميٽر (43 ميل) اوڀر ۾ آباد آھي[4].
لويف (Lviv) Львів | ||||||||
---|---|---|---|---|---|---|---|---|
شھر | ||||||||
مٿان کان، کاٻي کان ساڄي: تاريخي سٽي سينٽر، اوپيرا ۽ بيليٽ جو ٿيٽر، ڊورميشن چرچ، سينٽ اولھا ۽ ايلزبيٿ جي چرچ، مارڪيٽ اسڪوائر، پولوڪي محل | ||||||||
| ||||||||
نعرو: "Lviv is open to the world" "Semper fidelis" (historical) | ||||||||
يوڪرين ۾ لويف جي بيھڪ | ||||||||
جاگرافي بيهڪ: 49°50′33″N 24°01′56″E | ||||||||
ملڪ | يوڪرين | |||||||
صوبو (Oblast) | لويف صوبو | |||||||
ضلعو (Raion) | لويف | |||||||
بنياد پيو | 1256 | |||||||
پکيڙ | ||||||||
• ڪل | 148.9 ڪ.م2 (57.5 ميل2) | |||||||
بلندي | 296 ميل (971 ft) | |||||||
آبادي (2021) | ||||||||
• ڪل | 717,486 | |||||||
ھي شھر بالٽڪ سمنڊ ۽ اسود سمنڊ جي تاريخي واپاري رستي تي وسيل آھي. پولينڊ کان يوڪرين جي شھر ڪيف ڏانھن ويندڙ رستو بہ ھن شھر مان گذري ٿو، انڪري ھي شھر واپاري، ثفافتي ۽ سياسي سرگرمين جو محور رھيو آھي[5].
ھن شھر جو مرڪزي حصو (City Centre) يونيسڪو جي عالمي ورثي وارن ماڳن جي فھرست ۾ شامل آھي. ھن شھر جي قومي عجائب گھر ۾ وچئين دور جي فن ۽ نادر مذھبي نسخن جو مڪمل مجموعو سانڍيل آھي. ھن شھر ۾ ڪيتريون ئي مذھبي ۽ تاريخي عمارتون موجود آھن. مارچ 2022ع کان ھي شھر روسي فوجن جي حملن جو شڪار آھي[4].
ھاڻوڪو لويف شھر يوڪرين جو ھڪ وڏو صنعتي مرڪز آھي. ھتي بسن ٺاھڻ، زرعي مشينري، سائيڪلن، ٽيليويزن سيٽ ٺاھڻ ۽ کاڌن کي دٻن ۾ بند ڪرڻ سميت ٻيا بہ ڪيترائي ڪارخانا موجود آھن[6].
مارچ 2022ع کان ھي شھر روسي فوج جي حملن جي زد ۾ آھي. 26 مارچ 2022ع تي روسي فوجين ھن شھو ويجھو قائم ھوائي جھازن جي مرمت وارو پلانٽ تباھ ڪري ڇڏيو[7].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.