اديتي ڀاٽيا (انگريزي ٻولي: Aditi Bhatia) ڀارتي اداڪارِ ۽ ماڊل آهي. اسٽار پلس جي سيريئل يہ هين محبتين ۾ اديتي روحي ڀلا جو ڪردار نڀائيندي هئي. وواهہ، شوٽ آئوٽ ايٽ لوکنڊوالا، سرگوشيان آپ ڪي، سندس اهم فلمون آهن. هن ڪيترن ئي سيرئيل پروگرامن ۾ پڻ ڪم ڪيو آهي، جن ۾ يہ هين محبتين، جيڪو ڏاڍو مشهور آهي. چانس پہ ڊانس ۾ اديتي مشهور باليووڊ اداڪار شاهد ڪپور سان گڏ ڪم ڪيو آهي، ۽ عمران خان جي فلم سرگوشيان ۾ فريدهہ جلال وغيرہ سان گڏ ڪم ڪيو اٿس.[1]
| اديتي ڀاٽيا | |
|---|---|
 | |
| سَرگَرمُ سالَ | سال 2006–کان هينئر تائين |
| شھرت جو ڪارڻ | یہ هين محبتين |
جنم ۽ تعليم
اديتي ڀاٽيا 29 آڪٽوبر 1999 تي ڀارت جي مشهور شهر ممبئي، مهاراشٽرا م جنم ورتو هيو. اديتي جي ماءُ بينا ڀاٽيا ڪُرت جي لحاظ کان اُستادياڻي آهي.[2] [3] [4]۔ اديتي جي تعليم ٺاڪر پبلڪ اسڪول ۽ ٺاڪر ڪاليج آف سائنس اينڊ ڪامرس منجهان ٿيل آهي.[5] اديتي 2018 ۾ مهاراشٽرا اسٽيٽ بورڊ آف سيڪينڊري اينڊ هائر سيڪينڊري ايجوڪيشن منجهان ٻارنهين درجي جو امتحان سُٺن نمبرن سميت پاس ڪيو هيو.[6]
ڪيريئر
اديتي ڀاٽيا 2006 ۾ ٻار اداڪار (چائلڊ اِيڪٽر) طور پنهنجي ڪيريئر جي شروعات ڪئي، ۽ ڪُجهہ اشتهارن ۾ پڻ ڪم ڪرڻ کانپوءِ ڪيترن ئي فلمن ۾ پنهنجو ڪردار نڀايو آهي. وواهہ (انگريزي:Vivah)، شوٽ آئوٽ ايٽ لوکنڊوالا (انگريزي: Shootout at Lokhandwala)، دي ٽرين (انگريزي: The Train)، چانس پہ ڊانس (انگريزي: Chance Pe Dance) ۽ سرگوشيان (انگريزي: Sargoshiyan) نالي سان فلمن ۾ آديتي ڪم ڪيو آهي.[7] 2015 ۾ زي-ٽي جي تاشان عشق سيريئل ڀاٽيا ببلي تانيجا جو ڪردار نڀايو هيو. 2016 کان وٺِي 2019 تائين هن پاران اسٽار پلس جي ڊرامو يہ هين محبتين سيريئل ۾ روحي ڀلا جو ڪردار نڀايو هيو.ڀاٽيا ڪلرز ٽي وي جي سيريئل ڪاميڊي نائٽس بچاءٌ تازا (انگريزي: Comedy Nights Bachao Taaza) ۾ پڻ حصو ورتو هيو.[8] سال 2018 ۾ حقيقت تي ٻَڌل شو ڪاميڊي سرڪس (انگريزي: Comedy Circus) ۾ هن حصو ورتو هيو، ۽ سال ن2019 ۾ ڪلرز ٽي وي جي خطرہ خطرہ خطرہ ۾ پڻ نظر آئي هئي.[9]
فلمون
آديتي ڀاٽيا جون نمايان فلمون هن ريت آهن:[1]
| سال | فلم | ڪردار |
|---|---|---|
| 2007 | شوٽ آئوٽ ايٽ لوکنڊوالا | اي اي خان جي نياڻي (ڌيءَ) |
| دي ٽرين | نڪي | |
| 2010 | چانس پہ ڊانس | شنايا |
| 2017 | سرگوشيان | پايل |
ٽيلي ويزن
اديتي ڀاٽيا جا ڪُجهہ ٽيلي ويزن پروگرام هيٺين ريت آهن:
| سال | سيريئل | ڪردار | چينل |
|---|---|---|---|
| 2004 | هوم سوئيٽ هوم | ڪرشما | زي سمي |
| 2015 | تاشان عشق | ببلي تانيجا | زي ٽي وي |
| 2016–2019 | يہ هين محبتتين | روحي ڀلا | اسٽار پلس |
| 2016 | 'ڪاميڊي نائٽس بچاءُ تازا | مخالف | ڪلرز ٽي وي |
| 2018 | ڪاميڊي سرڪس | سوني ٽي وي | |
| 2019 | خطرہ خطرہ خطرہ | ڀاتي (شريڪ) | ڪلرز ٽي وي |
حوالا
ٻاهريان ڳنڍڻا
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
