ڇن
From Wikipedia, the free encyclopedia
ڇِنُ يا نرو لهي پوڻ کي ميڊيڪل سائنس ۾ هرنيا (Hernia) چئبو آهي. ’هرنيا‘ لفظ جي معنيٰ آهي ”هڪ عضوي جو مختلف سببن ڪري ڀرواري عضوي ۾ داخل ٿي وڃڻ“، يا ”هڪ عضوي يا عضوي جي ڪمزور حصي جي ڦاٽي پوڻ ۾ ٻيو ڀر وارو عضوو يا ان عضوي جو ڪجهه حصو ان ۾ داخل ٿي وڃي ته ان کي هرنيا چئبو آهي. ان کانسواءِ پيٽ جي ڀت جي اندرئين پاسي واريون مشڪون، مُچو ڪري مريض جي جسم جي ڪنهن به قدرتي سوراخ ”ُOrifices“ يا ڦاٽل حصي ۾ گهڙي وڃن ته اُن کي سنڌيءَ ۾ ڇن چوندا آهن. طب جي حوالي سان ڇن جي ميڊيڪل سائنس واري ساڳي معنيٰ وڃي بيهي ٿي، يعني ’ڇڄي پوڻ‘. ان کي عام طرح ’نرو لهڻ‘ به چوندا آهن.
![Thumb image](http://upload.wikimedia.org/wikipedia/commons/thumb/1/11/Inguinalhernia.gif/220px-Inguinalhernia.gif)