زغرب (Zagreb)[2][3] [4] يورپ جي ملڪ ڪروشيا جو گاديءَ جو هنڌ ۽ ملڪ جو سڀ کان وڏو شهر آهي.[5] اھو ملڪ جي اتر اولھ واري حصي م ساوا ندي جي ڪناري ميڊويدنيڪا (Medvednica) جبل جي پاسي ۾ واقع آهي. ھي شھر سامونڊي سطح کان 122 ميٽر (400 ڦٽ) بلندي تي واقع آهي.[6][7] سال 2001ع ۾ ھن شھر جي آبادي 6,91,724 ھئي.[8] سال 2018ع ۾ ھن شھر جي آبادي جو تخمينو 8,20,678 ھيو.[9] ان جي ارد گرد جي آبادي کي ملائي ڪل شھري آبادي 10,86,528 ھئي،[10] جنھن جو چوٿون حصو ڪروشيائي نسل سان تعلق رکندڙ ھو. زغرب شھر جي تاريخ رومن ايمپائر واري دؤر کان شروع ٿئي ٿي.[11][12][13][14] لفظ زغرب جو تاريخ ۾ پھريون ذڪر 1134ع ۾ ملي ٿو جنھن ۾ 1094ع ۾ ڪيپٽول (Kaptol) جي وسندي جي قيام جي حوالي سان ذڪر ٿيل ھو. 1242ع ۾ زغرب ھڪ آزاد شاھي شھر بڻجي ويو هو.[15][16][17][18] انسائيڪلوپيڊيا برٽنيڪا مطابق ھن شھر جو تاريخ ۾ پھريون ڀيرو ذڪر 1093ع ۾ ملي ٿو جڏھن اتي رومن ڪيٿولڪ بشپري قائم ڪئي وئي ھئي.[8] يورپ جي وچولي دؤر ۾ موجوده زغرب واري ھنڌ ھڪ شھري ۽ ڪليسائي آبادي واقع ھئي.[8] ھي شھر يوگوسلاويه جي قيام واري تحريڪ ۽ بعد ۾ ڪروشيائي آزادي جي تحريڪ جو مرڪز رھيو آھي.[8] سال 1991ع ۾ يوگوسلاويه کان ڌار ٿيڻ جي نتيجي ۾ شروع ٿيندڙ گھرو ويڙھ ۾ ھن شھر جو ڏاڍو نقصان ٿيو ھو.[8] ھي شھر ھن وقت ڪروشيا جو اھم صنعتي مرڪز آهي.[8] ھن شھر ۾ زغرب يونيورسٽي ۽ سائنسز اينڊ آرٽس اڪيڊمي پڻ واقع آھن.[8]
زغرب | ||||||||
---|---|---|---|---|---|---|---|---|
گادي جو هنڌ | ||||||||
Grad Zagreb زغرب شھر | ||||||||
گھڙيالي چڪر وانگر مٿان کان ھيٺ:سينٽ مارڪ وارو چؤڪ، ڪروئيشيائي سرڪار جو دستاويزخانو، ٽرام فن جو نمائش گھر،سبونا & ھوٽو وارا ٽاور ۽ ڪروئيشيائي نيشنل سينٽر . | ||||||||
| ||||||||
ڪروئيشيا ۾ زغرب جو مقام | ||||||||
جاگرافي بيهڪ: 45°49′N 15°59′E | ||||||||
ملڪ | ڪروشيا | |||||||
ڪائونٽي | زغرب شھر | |||||||
آر سي ڊائسيس | 1094 | |||||||
آزاد شاھي شھر | 1242 | |||||||
انضمام | 1850 | |||||||
سب ڊويژنون | 17 شھري ضلعا 218 مڪاني ڪاميٽيون (70 آباديون) | |||||||
حڪومت | ||||||||
• قسم | ميئر ڪائوسل | |||||||
• ميئر | Milan Bandić (BM 365) | |||||||
• شھري اسيمبلي | 51 رڪن
| |||||||
پکيڙ[1] | ||||||||
• گادي جو هنڌ | 641 ڪ.م2 (247 ميل2) | |||||||
• شھري | 202.4 ڪ.م2 (78.1 ميل2) | |||||||
• ميٽرو | 3,719 ڪ.م2 (1,436 ميل2) | |||||||
بلند ترین پیمائش | 1,035 ميل (3,396 ft) | |||||||
آبادي |
حوالا
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.