جڪارتا
جاوا ٻيٽ تي ٺهيل شهر جيڪو انڊونيشيا جو راڄڌاني ۽ صوبو پڻ آهي From Wikipedia, the free encyclopedia
جاوا ٻيٽ تي ٺهيل شهر جيڪو انڊونيشيا جو راڄڌاني ۽ صوبو پڻ آهي From Wikipedia, the free encyclopedia
جڪارتا (Jakarta) جنھن جو سرڪاري نالو "اسپيشل ڪيپيٽل ريجن آف جڪارتا" آھي، انڊونيشيا جو گاديءَ جو هنڌ ۽ ملڪ جو سڀ کان وڏو شھر آھي. ھي شھر جاوا ٻيٽ جي اتر۔اولھ سامونڊي ڪناري تي واقع آهي. ھي شھر انڊونيشيا جو سياسي، معاشي ۽ ثقافتي مرڪز آھي جنھن جي آبادي 2014ع ۾ 1,00,75,310 ھئي.[7][8] ھن شھر جي ميٽروپوليٽن پکيڙ 6,392 چورس ڪلوميٽر آهي ۽ ميٽروپوليٽن علائقي جي آبادي سال 2010ع ۾ 3,02,14,303 ھئي جيڪا ٽوڪيو کان پوءِ دنيا ۾ ٻئي نمبر تي آهي.[9] ھڪ اندازي مطابق سال 2030ع م ھن ميٽروپولس جو نمبر پھريون ٿي ويندو.
جڪارتا | |||||
---|---|---|---|---|---|
گادي جو هنڌ | |||||
اسپيشل ڪيپيٽل ريجن آف جڪارتا | |||||
مٿان کان، کاٻي کان ساڄي پاسي: جڪارتا جو پراڻو شھر، ھوٽل انڊونيشيا، انڊونيشيا چوڪ، جڪارتا جو آسماني منظر، گيلورا بنگ ڪارنو اسٽيڊيم, تمن مني انڊونيشيا انداھ، قومي يادگار، مرديڪا محل، استقلال مسجد جڪارتا، جڪارتا جي ڪليسا | |||||
| |||||
عرفيت: دُرِيِن,[1][2] جَي-ٽَائُون[3] | |||||
نعرو: جيا ريا (سنسڪرت) (معني : فاتح ۽ وڏو ) | |||||
انڊونيشيا ۾ جڪارتا جو مقام | |||||
انڊونيشيا ۽ جاوا ۾ مقام | |||||
جاگرافي بيهڪ: 6°12′S 106°49′E | |||||
ملڪ | انڊونيشيا | ||||
قيام | 397ع [4]:116 | ||||
جئي ڪارتا (جي نالي سان) | 22 جون 1527[4]:154 | ||||
بٽيويا (جي نالي سان) ڊچ ايسٽ انڊيز ۾ | 4 مارچ 1621[5] | ||||
جڪارتا (جي نالي سان) | 8 آگسٽ 1942[5] | ||||
ھڪ خاص انتظامي خطي طور | 28 آگسٽ 1961[6] | ||||
حڪومت | |||||
• قسم | اسپيشل ايڊمنسٽريٽو ايريا | ||||
• جڪارتا | اَنِيس بَاسوَدَن | ||||
• ڊپٽي گورنر | خالي | ||||
• قانونساز ادارو | جڪارتا جي ريجنل پيپلز ريپريزنٽيٽو ڪائونسل | ||||
پکيڙ | |||||
• گادي جو هنڌ | 661.5 ڪ.م2 (255.4 ميل2) | ||||
• ميٽرو | 6,392 ڪ.م2 (2,468 ميل2) | ||||
پکيڙ ۾ درجو | 34ھون | ||||
بلندي | 8 ميل (26 ft) | ||||
آبادي (2014)[7] | |||||
• گادي جو هنڌ | 10,075,310 |
ھي شھر چوٿين صدي عيسويءَ ۾ جاوا ٻيٽ تي سندا ڪيلپا جي نالي سان آباد ٿيو جنھن جي معنيَ سندا ٻولي ۾ سندا جو ناريل ھئي. ھن شھر ۾ سندا واري بادشاھت قائم ٿي. ھي شھر ڊچ ايسٽ انڊيز جو ڊي فيڪٽو گاديءَ جو هنڌ رھيو. ان وقت شھر جو نالو بَٽَيوِيا ھيو. جڪارتا ساڳي وقت انڊونيشيا جو صوبو پڻ آھي جنھن ۾ ھي ملڪ جي گادي وارو شھر پڻ واقع آهي. ھن شھر کي مقامي ماڻھو دُورِيَن چوندا آهن[1] شھر کي نيويارڪ سان تشبيھ ڏني ويندي آهي[10] جڪارتا الفا ورلڊ سٽي طور شمار ٿئي ٿو[11] ۽ آسيان(ايسوسيئيشن آف سائوٿ ايسٽ ايشين نيشنز) جو صدر مقام آهي[12] بينڪ آف انڊونيشيا ۽ انڊونيشيا اسٽاڪ ايڪسچينج ھن ملڪ جا وڏا مالياتي ادارا آهن. انڊونيشيا جي کوڙ قومي ڪمپنين ۽ گھڻ قومي ڪمپنين جو ڪارپوريٽ صدر مقام آهي. 2017ع ۾ ھتان جون 6 ڪمپنيون فوربز گلوبل 2000، 2 ڪمپنيون فارچون 500 ۽ 4 ڪمپنيون يونيڪارن ڪمپنين جي گروپن ۾ شامل ھيون[13][14][15] 2017ع ۾ ھن شھر جي جِي آر پِي $483.4 ارب آمريڪي ڊالر ھئي[16][17] ھي شھر ترقي ۾ ڪولالمپور، بينڪاڪ ۽ بيجنگ جي ڀيٽ ۾ تيزي سان مٿي اٿيو آهي[18] ھن شھر جو سڀ کان وڏو مسئلو شھر جي تيزي سان وڌندڙ آبادي، ماحولياتي آلودگي، ٽريفڪ جا معاملا، رھائشي سوڙھ ۽ شھري ٻوڏ آھن[19] ان کان سواءِ ھي شھر ھر سال 6.7 انچ يا 17 سينٽي ميٽر ھيٺ گچي رھيو آھي ۽ سمنڊ جي سطح چڙھڻ سبب مسلسل ٻوڏ جي مسئلن ۾ ڦاٿل آهي. ھي شھر دنيا جو سڀ کان تيزي سان ھيٺ گچندڙ گاديءَ جو هنڌ آهي[20][21][22] انڊونيشيا جي صدر جوڪو ودودو 2019ع ۾ گادي جي هنڌ کي اتان بورنيو ٻيٽ واري شھر ڪاليمانتن ڏانھن منتقل ڪرڻ. جي ارادي جو اعلان ڪيو آهي[23][24].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.