![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5f/River_Jhelum_at_Jhelum_City_from_Old_Railway_bridge_at_Jhelum_City.jpg/640px-River_Jhelum_at_Jhelum_City_from_Old_Railway_bridge_at_Jhelum_City.jpg&w=640&q=50)
بوڪيفالا ۽ نيڪايا
From Wikipedia, the free encyclopedia
بوڪيفالا ۽ نيڪايا (يوناني: Βουκεφάλα Νίκαια)، جهلم درياھہ جي ٻنھي پاسن تي سڪندر اعظم طرفان جوڙايل ٻہ شهر هئا، ٻنھي شھرن جو بنياد برصغير تي حملي دوران راجا پورس جي شڪت کان ڪجھ وقت پوءِ 326 قبل مسيح ۾ رکيو ويو.
Boukephala and Nikaia | |
![]() جهلم جي هڪ پل تان جھلم ندي جو نظارو، اڳ ان کي بوڪیفالا جو شھر سمجھيو ويندو هو. | |
مقانيت | 32°39′34″N 73°24′19″E |
---|---|
تاريخ | |
ٺاھيندڙ | ڪراتورس، سڪندر اعظم جي حڪم تي |
بنياد پيو | 326 ق.م |
دور | یوناني ۽ موریا دور |
اها پڪ ناهي تہ جنگ جي ميدان تي اڏيل ھنن شھرن مان ڪهڙي شھر جو نالو ڪھڙو ھو. پر گھڻو ڪري جهلم درياھہ جي اڀرندي ڪناري تي اڏيل شهر کي نیڪايا (يوناني: nike، لغوي معني:فتح) سڏيو ويندو هو، جڏهن تہ اولھندي شھر جو نالو شايد سڪندر جي گھوڙي بوسيفالس جي نالي پٺيان بوڪيفالا رکيو ويو، جيڪو جنگ دوران يا ان کان پوءِ مري ويو ھجي. ھنن جاڙن شھرن جي اڏاوت جي نگراني سڪندر جي اهم جنرلن مان هڪ ڪراتورس ڪئي. ٻئي شھر شروع ۾ ڏکڻ ايشيائي چوماسي برساتن سبب متاثر ٿيا. لڳي ٿو بوڪيفالا کي نيڪايا کان وڌيڪ اھميت مليل ھئي. بوڪيفالا جو ذڪر پلينيوس ۽ بطليموس ڪيو آھي. ان کانسواءِ بوڪيفالا جو ذڪر پهرين صدي عيسوي جي قلمي نسخي اريٿرين سمنڊ جي رھبرنامو ۽ تیبولا پیوتنگیریانا جي نقشي تي پڻ ڏيکاريل آھي. ٻنھي شهرن جا صحيح هنڌ معلوم نہ آهن، پر امڪان اهو آهي تہ بوڪيفالا جلالپور جي ويجھو ھو جڏھن تہ نیڪايا درياھہ جي پار اڄوڪي مونگ جي ويجهو هو.