Lampidusa (o Ampidusa) è n'ìsula dû canali di Sicilia, chi fa parti di l'arcipèlugu di l'ìsuli Pilaggî, chi appartenti â pruvincia di Girgenti.
Nzèmmula cu l’ìsula di Linosa, forma lu cumuni di Lampidusa. La cità di Lampidusa, l'ùnica cità di l'ìsula e havi circa 5.500 abbitanti. L'ìsula è canusciuta pi aviri nu mari cristallinu, è meta ogni annu di migghiara di turisti. La spiaggia dî cunigghi è n'òasi naturalìstica, e ogni annu li tartarughi marini dâ specî caretta caretta ci dipònnunu l'ova.
La sò vicinanza â costa dâ Tunisia e dâ Libbia, ni fannu puru n'obbiettivu priviliggiatu pi li sbarchi d'immigrati clandistini di pruvinenza africana.
Curiusità
Ntô 2002 a Lampidusa fu girata la pillicula di Emanueli Crialesi Respiro, chi vincìu lu gran premiu dâ simana dâ critica e lu premiu dû pùbbricu ô festival di Cannes. Nti stu film, parratu cumpritamenti in sicilianu, l'attura sunnu tutti non professionisti, e certuni sunnu di Lampidusa stissa. La sula attrici professionista di primu pianu è Valeria Golinu chi pi stu film s'appi a nsignari a ricitari in sicilianu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
