Remove ads
John Richard Deacon (Leicester, 19 di austu 1951) è nu musicista ngrisi. Fu u famusu bassista, finu o 1997 (annu 'n cui s'arritirò ro munnu ra musica), ru famusu gruppu rock ngrisi de Queen. Deacon sunò puru a chitarra, a batteria e a tastiera, fu auturi ri vari canzuni ru gruppu.
| John Deacon | ||
|---|---|---|
 John Deacon ntô 1979 | ||
| Paisi d'origini: |  Regnu Unitu
| |
| Gèniri: | Hard rock Glam rock Rock prugrissivul Funk rock Pop rock Blues Rock | |
| Piriodu d'attivitati: | 1970 - 1997 | |
| Strumentu: | Bassu Chitarra Tastiera | |
| Casa discùgrafica: | Columbia, Polydor, EMI, Parlophone, Hollywood | |
| Gruppi: | Queen | |
| Album: | 28: 15 studiu; 6 live; 7 raccolti | |
| Situ Web: | x | |
Remove ads
Deacon trasiu no gruppu na l'uttuviru ru 1970. Era u chiu giùvini ri quattru Queen e, prima ri trasiri no gruppu, finiu ri sturiari elettronica o Chelsea College, ca fici assai seriamente. Ri quattru, John era u chiu introverso, schivo e timido, ma chista sua caratteristica u faceva impazziri chiu assai ri quantu si possa pinsari (ne live ru gruppu Deacon era sempri sutta i riflettori e partecipava assai o spittaculu). Nun era nu scritturi prulificu, ma scrissi quarchi canzuni famusa comu; Another One Bites the Dust, Spread Your Wings, You're My Best Friend e I Want to Break Free. John era l'unicu ri quattru a un sapiri cantari: ne spittaculi u so microfunu era sempri tinutu a volumi bassu, facennulu partecipari sulu ai cori, a so vuci si senti picca, ma in quarchi spittaculu, comu chiddu ri Earls Court ru 1977, si po sentiri ne canzuni Somebody to Love e In the Lap of the Gods... Revisited. Fici sentiri a so vuci puru 'n Don't Stop Me Now, partecipannu ai cori ri ritornelli, e in Liar, no live ri Earls Court 1977. U so bassu addiventa impurtanti 'n canzuni comu: Under Pressure, Crazy Little Thing Called Love, A Kind of Magic, "Dragon Attack", Breakthru, Bicycle Race, Another One Bites the Dust e The Invisible Man.
John Deacon, esperto ri elettronica, custruiu cu parti pigghiati da un giradischi Philips e na cassa hi-fi, u famusu Deacy Amp, un nicu amplificaturi artigianali ca vinia saturatu da 'n Dallas Rangemaster, unu ri primi treble booster ra storia pi ottenere u caratteristico sonu ca si po sentiri specialmenti no discu Queen II.
John Deacon fu sempri statu diversu da lu restu ru gruppu, avia 'n atteggiamentu chiù calmu e tranquillu, specialmeti na li spittaculi live. Pi 20 anni girò u munnu cu i Queen, dannu picca interviste. Dùoppu a morti ri Freddie, ca fici finiri i Queen, John s'arritirò ra scena musicali, arriturnannu sulu pu Freddie Mercury Tribute Concert na l'aprili 1992 e pi ddari quarchi aiutu pi finiri l'ultimi canzuna ru gruppu, specialmente pi l'urtimu discu Made in Heaven. L'urtima vota ca sunò u bassu pi Queen fu na l'uttuviru ru 1997, na l'unica canzuni registrata dùoppu a morti ri Freddie, intitolata No-One but You (Only the Good Die Young), mentri a so urtima apparizzioni comu musicista risali o 18 di jinnaru 1997, quannu i Queen sunarunu The Show Must Go On nzemi a Elton John o Théatre National Chaillot ri Parigi. John Deacon un fu mai dispostu a partecipari e spittaculi ri lu gruppu dùoppu a morti ri Freddie. Si fici sentiri ntô 2007, pi fari l'auguri ri natali a li fan de Queen.
Remove ads
Quarchi voci dici ca ùoggi John sia nu nicu imprenditori e ca abbita na zona a sud-ovest ri Londra cu so mugghieri Veronica Tetzlaff (maritata no jinnaru 1975) e li soi 6 figghi: Robert (1975), Michael (1978), Lauta (1979), Joshua (1983), Luke (1992) e Cameron (1993). Avutri vuci dicinu ca si ritirò a vita privata.
| « «Cunsintitimi di riri ca u prodottu ru batterista Roger Meddows Taylor e ru bassista John Deacon è esplosivo, 'n colussali vurcanu ri suona ca l'eruzioni fa trimari a terra» » | |
(Gorfon Fletcher – Rolling Stone n°149) |
.jpg)
Natu comu chitarrista blues, autodidatta bassista pi necessità nu so primu gruppu giuvanili, a so tecnica era na media ri bassisti rock ri l'anni sittanta. All'iniziu ra so carriera usava i jirita, ma passannu l'anni, accumincò a utilizzati u plettru 'n archuni canzuni. U bassu elettricu principali usatu da Deacon fu 'n Fender Precision Bass. Pari ca usassi puru 'n Fender Mustang, ma un ci su immaggini relativi. No primu piriodu sunava 'n Rickenbacker, poi accattò rui Fender Precision mèricani, una ra serie ru 68, l'avutra ru 67. Na mità ri l'anni sittanta, accattò 'n Mucic Man Stingray, ca usò spissu no tour ru 1977 e cu cui registrò a canzuni Another One Bites the Dust. Na so carriera appi a disposizioni diverse serie ri Fendere Precision na l'anni uttanta (Elite, Special), ma fu sempri fideli a so chitarra principali, a Precision ru 1968. Fu a chitarra ca utilizzò chiu assai cu lu gruppu.
Deacon, raramenti, sunava a chitarra 'n alcuni album. Archuni pezzi ri chitarra 'n Hot Space sunnu opira ri Deacon, ca utilizzò na Fender Telecaster. Ogni tantu sunava cu sintetizzaturi i proprie cumposizzioni e spisso cumpuneva o chianuforti, sunannuni unu elettricu pi la sua Your My Best Friend. U si viri sunari u chianuforti a cura no video ri Spread Your Wings. I so contribbuti principali foru i canzuna: I Want to Break Free, Another One Bites the Dust, Spread Your Wings, One Year of Love, Who Needs You e Friends Will Be Friends scritta a quattru manu cu Freddie Mercury. No video ri Friends Will Be Friends utilizza 'n Warwick Buzzard.
Remove ads
Canzuna ri Queen composti ra John Deacon
- Misfire, dall'album Sheer Heart Attack
- You're My Best Friend, dall'album A Night at the Opera
- You and I, dall'album A Day at the Races
- Spread Your Wings e Who Needs You, dall'album News of the World
- In Only Seven Days e If You Can't Beat Them, dall'album Jazz
- Another One Bites the Dust e Need Your Loving Tonight, dall'album The Game
- Execution of Flash e Arboria (The Planet of the Tree Man), dall'album Flash Gordon
- Back Chat e Cool Cat, dall'album Hot Space (Cool Cat cumposta cu Freddie Mercury)
- I Want to Break Free, dall'album The Works
- One Year of Love, Pain Is So Close to Pleasure, Friends Will Be Friends dall'album A Kind of Magic (l'ultimi rui scritti cu Freddie Mercury)
Brani ra iddu scritti e accreditati a tuttu u gruppu
Rain Must Fall e My Baby Does Me, dall'album The Miracle (scritti cu Freddie Mercury).
Remove ads
|
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads