Turi Lima
From Wikipedia, the free encyclopedia
Turi Lima (Venero Maccarrone pi l'anàgrafi) nascìu a Catinanova lu 18 di austu 1925 e murìu a Catania a lu 10 di dicèmmiru di lu 1996.
Pueta civili sicilianista, catanisi d'aduzzioni, fu auturi di lìrichi ricchi di significatu pri mpegnu civili e pulìticu, espunenti di la cchiù àuta curtura siciliana ca parra e non stà muta.
Pri càusa dâ guerra, la famigghia Maccarrone si traslucau a Catania, unni lu giùvini Vènniru trasìu ntâ "Lega Giuvanili Siparatista" , urganizzazzioni giuvanili e paramilitari dû M.I.S. (Muvimentu pâ nnipinnenza dâ Sicilia), e sùbbitu nn'addivintau un diriggenti.
Ncuminciannu dû doppuguerra, travagghiau cuncretamenti nta l'àmbitu littiràriu e giurnalìsticu, cullaburannu chî piriòdichi La Libertà , Sicilia Martire , Sicilia Rossa e Sicilia Indipendente .
Ntô 1970 funnau lu " Centru Studi Stòricu Suciali Siciliani ", pigghiannu la càrica di Sicritàriu Ginirali nzinu a la sò morti.
Nta l'anni 1982-1983 vincìu chìnnici premî nta mpurtanti cuncorsi littirari.
Ntô 1978 funnau, nzemi a àutri, la ràdiu " R. T. Trinacria " appoi chiamata Antenna Trinacria, la ràdiu d'assartu.
« Ju puru nascivi unni la pala e lu cuteddu lùciunu (nta la terra di lu focu!). » | |