Stu ciuri cc'è !

Stu ciuri cc'è ! è na sprissioni catanisa pi diri ca "c'è sta cosa e nudd'àutra !" (nun c'è bisognu circari àutra alternativa).

Di unni veni sta sprissioni

Comu tutti sapemu, lu ciuri veni uffrutu comu segnu d'umaggiu, segnu di nu bonu pinzeri, comu "prisenti" e cui arricevi st'umaggiu, di sòlitu, è cuntenti; nun è tantu la quantitati dê ciura ca s'arricèvunu ca fannu cuntenti, ma lu gestu, fussi macari nu sulu ciuri.
Ma si, anveci, cui arricevi ciura s'addimustra dilusu pi la quantitati o la qualitati d'iddi, di l'àutru latu, cui uffrìu l'umàggiu, ci arresta murtificatu e dici o penza: comu, jù eppi stu pinzeri e tu l'accogghi accussì ? jù chistu potti (stu ciuri) e si ti piaci bonu, si no nun c'è àutru: "Stu ciuri cc'è !"

Sprissioni siciliani - Modi di diri
A - B - C - DE - F - G - HIJ - L - M - N - O - P - Q - R - S - TU - VZ

Sprissioni siciliani - Modi di diri

Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.

A

sprissioni	significatu	ambitu
Abbagnàricci u pani	pigghiari unu pi fissa	Scherzu
Abbagnàrisi prima di chiòviri	prioccupàrsi prima dû tempu
Accattàrisi a grancascia	èssiri ntra la cuva
Acchianari e scinniri scali dî tribbunali	iri firiannu uffici uffici
Ammucca muschi	pirsuna uzziusa	Lagnusìa
Ammucca lapuni	pirsuna ca si fa pigghiàri pi fissa	Simpliciunirìa
Ammuttari û fumu câ stanga	fari un travagghiu nùtuli
Armuzza scunzulata	pirsuna affritta
Aviri a vucca duci e u culu amaru	unu chi si senti ô cuntrariu di zoccu dici