![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/89/Alliste._La_Terra._Calzolaio.jpg/640px-Alliste._La_Terra._Calzolaio.jpg&w=640&q=50)
Scarparu
cu fàbbrica, consa o vinni li scarpi / From Wikipedia, the free encyclopedia
Lu scarparu (pl: scarpara) è l'artiggianu ca fàbbrica o ripara li scarpi.
Lu misteri dô "scarparu" ntô catanisi o "solachianeddu" ntô palirmitanu, è un misteri anticu, ca si sta pirdennu: iddu cunzisti ntô custruìri scarpi a musura, ma chiddu ca cchiù assai fà, è lu travagghiu di arriparrari li scarpi, risulari, mèttiri li supratacchi e cùsiri li parti ca cu l’usu si spàrdunu.
Lu matiriali usatu dô scarparu veni scigghiutu ‘n basi a nzoccu hann’a sèrviri li scarpi. Si â scarpa s’hà mèttiri ppi n’uccasiuni (nu matrimoniu, na ricurrenza), la peddi havi èssiri dê cchiù priggiati e li rifinitura hannu èssiri fatti boni; si, nveci, li scarpi s’avìanu usari ppi travagghiu, allura, iddi hannu èssiri rubbusti.
Pâ risulatura, na vota s’usava cuoiu duru, mentri oggi si usa matiriali di gumma.
![Thumb image](http://upload.wikimedia.org/wikipedia/commons/thumb/8/89/Alliste._La_Terra._Calzolaio.jpg/640px-Alliste._La_Terra._Calzolaio.jpg)
![Thumb image](http://upload.wikimedia.org/wikipedia/commons/thumb/f/f9/Tombstone_Xanthippos_BM_Sc628.jpg/640px-Tombstone_Xanthippos_BM_Sc628.jpg)