From Wikipedia, the free encyclopedia
Nu muntuni è n'arma d'assèdiu. Vinìa usata pi sfunnari li porti dî furtizzi e dî castiddi, o li mura quannu nun era massicciu. Prubabirmenti criata da li Assiri nnû IX-VIII seculu a.C., e pi la prima vota n uccidenti da li spartani nnû V seculu a.C., duranti la Guerra dû Pilupunnìsu.
St'arma vinìa spissu migghiurata cu na testa ri mitallu, ca spissu avìa na forma di muntuni, di cui pigghia lu nomi a màchina. Li muntuni duranti Etati dû ferru, nni l'anticu mediu urienti e Meditirràniu, vinìanu appizzati da nu tilaru cu na funi o catini, n manera ca putissi èssiri cchìu massicciu e cchìu facili di sbàttiri contru lu sò birsagghiu. Li muntuni eranu spissu prutetti da nu tettu n lignu e cummigghiatu cu peddi frischi e vagnati, nun cummustibbili, chistu pi pruteggiri l'arma da lu focu nimicu, e pi furniri prutizzioni a l'òmini contru li frecci di l'arceri e lu focu nimicu. Pi mòviri li muntuni sulitamenti ci vulìanu almenu na duzzina d'òmini e p'arrivari nnî furtizzi s'avìanu affruntari li fussati. I difinsura di castiddi, circavanu di addifinnirisi ittannu ustaculi d'avanzi i muntuni, pocu prima ca la testa du muntuni putìa curpiri nu muru o na porta. Na màggini di nu muntuni Assiru mustra comu i pràtichi d'attaccu e di difisa eranu divintati nnû IX seculu a.C.. I difinsura di mura circanu d'addumari lu focu contru li muntuni e trascinarilu cu na catina, cui attaccava nveci pruvava a libbirari lu muntuni da catina, mentri li peddi vagnati criavanu prutizzioni contru li ciammi nimichi. Àutri muntuni nun eranu mpinnuti cu funi a catini, ma sustinuti da rulli. Chistu pirmisi a lu muntuni na maggiuri vilucitati e quinni na maggiuri forza. Stu muntuni vinni usatu da Lissandru Magnu, comu cunta Vitruviu nnî sò òpiri.
Li muntuni appiru nu mpurtanti utilizzu nni l'antichitati pi cunquistari nnâ citati, pi chistu nu corsu dû tempu li mura vinìanu migghiurati p'annullari li capacitati di màchini d'assèdiu. Esempi stòrici di l'usu dî muntuni n assèdi di citati mpurtanti:
Lu muntuni avì n'usu mudernu. È nu nicu cilindru mitallicu di li forzi di polizzia, utilizzatu sulitamenti da dui òmini pi sfunnari li porti chiusi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
