Li mitiuriti sunnu pezzi di petra di uriggini spazziali. Si fòrmanu n sèquitu a l'impattu di nu meteroidi, veni a diri di n'astiròidi di diminsioni ca nun passanu na dicina di metri, cu la Terra. Na mentri ca atraversanu l'atmusfera, li meteroidi si caudìanu pi l'attritu cu l'aria e pi ionizzazzioni addiventanu luminusi, aggicannu puru a esplòdiri o a fàrisi n milli puzzuddi. Nti lu cchiossai dî casi, nun resta nenti. Quannu quarcosa arresta eggh'è truvatu n terra, lu residuu si chiama appuntu meteoriti.
![Thumb](http://upload.wikimedia.org/wikipedia/commons/thumb/7/79/Murnpeowie_meteorite.jpg/640px-Murnpeowie_meteorite.jpg)
Classificazzioni
Esistunu du' catigurìi principali di mitiuriti: Li mitiuriti firrusi, ca si cumpòninu di cchiossai di 90% di mitalli, e li mitiuriti pitrusi, n cui la quantità di mitallu nu agghica a 30%. Sulu nti 1% di casi nu mitiuriti pò aviri na pircintuali di mitalli versu lu 50% ca nun pirmetti di classificallu nti nudda di du' catigurìi. St'ùrtimi si chiamunu li mitiuriti misti.