Mattanza
From Wikipedia, the free encyclopedia
La mattanza, dô spagnolu “matanza” (uccisioni) e dû latino "mactare" (uccìdiri), è nu mètudu anticu di piscadû tunnu, praticatu spiciarmenti ntâ pruvincia di Trapani. Ssu mètudu si basa ntô calari a mari na longa riti di sbarramentu ca pirmetti di guvirnari la dirèzzioni dê branchi dî tunni e di custringìrili a tràsiri nta diversi càmiri (fatti sempri di riti), di unni, pirdennu l'urientamentu, nun ponnu cchiù nèsciri.
Grapennu e chiudennu ssi càmiri, li tunni vènunu spingiuti versu na càmira ca veni appoi chiusa, chiamata càmira dâ morti.
![Thumb image](http://upload.wikimedia.org/wikipedia/scn/thumb/8/8b/Mattanza.jpg/320px-Mattanza.jpg)
![Thumb image](http://upload.wikimedia.org/wikipedia/scn/thumb/0/00/Mattanza_1_.jpg/640px-Mattanza_1_.jpg)
Sutta lu cumannu dû ràisi, ca dicidi si lu nùmmuru dê tunni trasuti ntâ càmira dâ morti è abbastanza e si li cundizzioni dô tempu e dû mari sunnu giusti, accuminza la mattanza: li varchi vènunu misi 'n modu di furmari nu quatratu e s'accumenza a tirari la riti (coppu) dâ càmira dâ morti; li tunni assùmunu e vinènnucci a mancari l’acqua, accumènciunu a sbàttiri e ntappari cu forza l’unu contru a l’àutru e, accussì facennu, si firìsciunu; quannu sunnu addivintati senza forzi, vènunu azziccati chê crocchi (arpiuni ccû uncinu) e tirati supra li varchi; d’intra â càmira dâ morti, û mari addiventa russu pû sangu dê tunni.