Lingua maltisa
lingua semìtica chi si parra a Malta / From Wikipedia, the free encyclopedia
La lingua maltisa è una di li dui lingui nazziunali di Malta (l'àutra è lu ngrisi), e puru na lingua ufficiali di l'Unioni Europea. Rapprisenta n'ammiscata di lingui neolatini (suprattuttu sicilianu e talianu) e di àrabbu. Tanti palori d'orìggini latini, nfatti vennu dû sicilianu, na cosa pi nenti strammata quannu cunziddiramu la storia di tutti dui. P'asempiu, tutti dui ìsuli èranu accuppati dî saracini ô stissu tempu, e foru libbirati dî nurmanni ô stissu tempu. Ntra lu 1090 e lu 1530 Malta fici parti dû Regnu di Sicilia, e duranti st'èbbica, la lingua maltisa vinni nfruinzata dû sicilianu.
Tanti voti s'attròvanu dui virsioni dâ stissa palora, una d'orìggini àrabba, e n'àutra d'orìggini latina/siciliana; p'asempiu: sultan/re, leħen/vuċi, għanja/kanzunetta e sewwa/verità.
Ccà sutta attruvati na lista di palori siciliani - maltisi:
- bon jornu - bonġù
- bona sira - bonswà
- ni videmu - saħħa
- pi fauri - jekk jogħġbok
- grazzî - grazzi
- mi scusassi - jiddispjaċini / skużani
- nun capisciu lu maltisi - ma nifhimx bil-Malti
- parra talianu? - tparla bit-Taljan?
- Sì / no - iva / le
- unni s'attrova? - fejn hi?
- pi jiri a - irrid immur
- dritta / manca / drittu - lemin / xellug / dritt
- bonvinuti! - merħba!
- aiutu! - ajjut!