L'Origini di lu Munnu
From Wikipedia, the free encyclopedia
L'Origini di lu Munnu è nu puema satìricu di Giuvanni Meli, unu dî cchiù cèlibbri scrittura siciliani. Cumprenni 75 ottavi chi foru scritti ntra l'anni 1768 e 1770. Vinni pubbricatu ntô 1781 ma era già canusciutu dî soi amici e li littirati di Palermu.
« ...ma senz'essiri c'era lu gran Nenti, nudu, crudu, spirutu, orvu e scuntenti. » | |
St'òpira satìrica si tratta principarmenti di n'argumentu filusòficu di ddu tempu cuntrastannu la scienza e la riliggiuni. Lu puemu è na parudìa di li vari tiurìi avanzati d'omu pi sèculi pi capiri comu lu munnu vinni criatu. Lu puema arresta còmicu senza bistimiari, chi a ddu tempu avissi statu n'azzioni mprudenti. Pi stu fattu, si vidi chiaramenti quantu mmagginativu stu puema è ca Meli pò fari stu tipu di discursu cu nuddu cunziguenza.