![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/Granieri_masseria.jpg/640px-Granieri_masseria.jpg&w=640&q=50)
Granieri
From Wikipedia, the free encyclopedia
Granieri è 'na frazzioni dû cumuni di Caltaggiruni, distanti 18 chilòmitri, cù 400 abbitanti.
Granieri era un feudu ca appartinìa a la Barunìa di Fetanasimu, ma fu spartuta di chista senza sapiri comu.
Lu feudu appartinni a Ruggeru Scolaru di Licudìa ca nni fici dunazzioni ô Monasteriu di S. Nicola 'a Rina di Catania nnû 1365.
Appartinni a li mònaci sinu ô 1866 quannu passau ô Demaniu e poi, nnû 1869, fu spartutu e vinnutu all'asta.
Lu primu proprietariu fu lu cav. Antoninu Silvestri, ca nnû 1885 ci fabbricau na granni massarìa.
Nnû 1925 si fabbricaru li primi casi e accussì nascìu la burgata di Granieri.
L'abbitanti sunnu origginari, principalmenti, dâ pruvincia di Rausa.
L'occupazzioni principali è l'agricultura câ cultivazzioni dâ racina di manciari.
Nnâ burgata fabbricaru na chiesa a San Giuvanni Battista, ca si fisteggia lu 29 di austu di ogni annu, assemi a la Sagra dell'Uva.
![Thumb image](http://upload.wikimedia.org/wikipedia/commons/thumb/8/82/Masseria_granieri.jpg/640px-Masseria_granieri.jpg)
![Thumb image](http://upload.wikimedia.org/wikipedia/commons/thumb/4/43/Granieri_masseria.jpg/640px-Granieri_masseria.jpg)
![Thumb image](http://upload.wikimedia.org/wikipedia/commons/thumb/9/90/Granieri_palazzo_masseria.jpg/640px-Granieri_palazzo_masseria.jpg)
![Thumb image](http://upload.wikimedia.org/wikipedia/commons/thumb/2/2c/Granieri_panorama.jpg/640px-Granieri_panorama.jpg)