![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Carl_Friedrich_Gauss.jpg/640px-Carl_Friedrich_Gauss.jpg&w=640&q=50)
Carl Friedrich Gauss
From Wikipedia, the free encyclopedia
Carl Friedrich Gauss (30 di aprili 1777 – 23 di frivaru 1855) fu nu matimàticu e scienziatu tudiscu chi cuntribbuìu assai nta diversi campi, cumpresa la tiuria dî nummura, l'anàlisi, la geomitria diffirinziali, lu magnetismu, l'astronumìa, e l'òttica. Quarchi vota suprannuminatu lu principi dî matimàtichi, Gauss ntroducìu cuncetti chi hannu avutu na nfluenza assai funnuta nta sti disciplini, e chi si pò cumparari a chidda di Archimedi e di Issac Newton. Gauss fu nu picciriddu prudigiusu, e fici li primi scuperti già quann'era carusu. Scrissi la sò opira principali, li Disquisitiones Arithmeticae all'età di 24 anni. Ancora oggi stôpira è considirata comu n'òpira funnamintali di la tiuria dî nummura.
![Thumb image](http://upload.wikimedia.org/wikipedia/commons/thumb/9/9b/Carl_Friedrich_Gauss.jpg/640px-Carl_Friedrich_Gauss.jpg)