Gallu-itàlicu di Sicilia
From Wikipedia, the free encyclopedia
L'idiomi gallu-itàlicu di Sicilia, parrati nnî accusì ditti "cumuna lummardi" di Sicilia, sunnu la diretta cunsiguenza di l'abbinimenti stòrici di l'èbbica nurmanna. Doppu la cunquista dâ Sicilia dî saracini, tanti parti dû centru di l'ìsula vìnniru spupulati. Li primi rè nurmanni di Sicilia ncuriggiaru tanti migrati di l'aut'Italia e d'autri banni pinisulari, p'aumintari la pupulazzioni latina e cristiana, supratuttu dâ chiesa Cattòlica Rumana.
Li centri 'n cui s'attrova l'usu dî dialetti gallu-siculi sunnu:
- 'n pruvincia di Missina: Acquiduci, Funnacheddi, Muntarbanu, Nuvara, San Frateddu e San Pieru Patti;
- 'n pruvincia di Enna sunnu: Aidoni, Nicusìa, Chiazza e Spirlinga.
Prisenzi e tracci menu significativi sunnu attistati puru ntê pruvincî di Catania, Siracusa e Palermu mentri, fora di Sicilia, tali idiomi supravìvinu assai parzialmenti 'n Basilicata.