![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ac/Claudio_Fava_2009.jpg/640px-Claudio_Fava_2009.jpg&w=640&q=50)
Claudiu Fava
From Wikipedia, the free encyclopedia
Claudiu Fava (canusciutu, 'n lingua taliana, comu Giovanni Claudio Fava) (Catania, 15 di aprili 1957) è n'omu pulìticu e nu jurnalista sicilianu.
![Thumb image](http://upload.wikimedia.org/wikipedia/commons/thumb/a/ac/Claudio_Fava_2009.jpg/320px-Claudio_Fava_2009.jpg)
Lu patri Pippu Fava, jurnalista dê I Siciliani, vinni ammazzatu dâ mafia lu 5 di jinnaru 1984 a Catania.
Lauriatu 'n Jurisprudenza, jurnalista prufissiunista ntô 1982, hà travagghiatu pi jurnali comu Il Corriere della Sera, l'Espresso, l'Europeo e la RAI, n Italia e a furisteri.
Fava hà mmisu nzemi lu travagghiu prufissunali cu lu mpegnu pulìticu. Ntra li funnatura di La Rete, hà statu dipitatu a l'Assimbrea Riggiunali Siciliana (1991), diputatu â Càmmira (dû 1992 ô 1994), siggritariu riggiunali dê Dimucràtici di Manca (dû 1999 ô 2001), membru dâ dirizzioni nazziunali dê Dimucràtici di Manca.
Attuarmenti è diputatu ô Parlamentu eurupeu, rieliggiutu pâ secunna vota ntâ 2004 pâ lista Uniti nell'Ulivo, ntâ circuscrizzioni ìsuli, pigghiannu 222 mila prifirenzi.
È scrivutu ô gruppu parlamintari dû Partitu Sucialista Eurupeu.
È vici-prisidenti dâ Cummissioni pô Sviluppu Riggiunali; membru dâ Cummissioni pi l'Affari Èstiri; dâ Cummissioni pâ pisca; dâ Cummissioni pê libbirtà civili, la justizzia e li affari nterni; dâ Suttacummissioni pi li Dritti di l'Omu; dâ Diligazzioni pê rilazzioni cu li paisi dâ cumunità andina; dâ Diligazzioni a l'Assimbrea parlamintari paritètica ACP-UE.