![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/scn/thumb/0/09/Che01.jpg/640px-Che01.jpg&w=640&q=50)
Che Guevara
From Wikipedia, the free encyclopedia
Ernesto Che Guevara (Rosario, Argintina 1928 – La Higuera, Bolivia 1967) cummattenti rivuluzziunariu latinu-miricanu.
![Thumb image](http://upload.wikimedia.org/wikipedia/scn/thumb/0/09/Che01.jpg/320px-Che01.jpg)
Ernesto Che Guevara nascìu a Rosario lu 14 di giugnu dû 1928, figghiu di Ernesto Guevara Lynch, di urìggini irlandisi e baschi, ca avìa na piantagioni di jerba mate, e Celia de la Serna.
A l'ità di dù anni, doppu nu bagnu ni nu turrenti, manifesta lu primu attaccu di àsima. Nnô 1934 accumincia a friquintari la scola elementari a Alta Gracia, nnâ pruvincia di Còrdoba, macari si spissu è la matri a fari di maistra picchì lu picciriddu è ubbligatu a stari curcatu pì àsima ca lu turmenta. Nascìa ni stu pirìudu lu sò amuri pâ puisìa di Neruda, Garcìa Lorca e Baudelaire.
Nni l'anni dî scoli supiriuri, 1940-1944, Ernesto s'antiressa ô jocu dû rugby - è ccà ca veni suprannuminatu "Fùser", lu "Furibondu Serna" - e apprufunnisci la passioni pì li scacchi.
Nnô 1945, doppu ca finisci lu liceu, si trasfirisci câ famigghia a Buenos Aires, unni s'iscrivi ntâ facultà di midicina. Pì mantinìrisi, travagghia comu nfirmeri nnî navi dâ marina argintina. S'addedica ô studiu dâ libbra e dî l'allergìi.